Ibrani 13:6 - Kaili Ledo

⁶ Haitu sampe kita mabia manguli ivei: “Tupumo Topotulungi yaku, jadi ledo maeka yaku. Ledo ria nuapa-nuapa mamala rapovia ntona ka yaku.” Mazmur 118:6

Ibrani 13:6 ပူးပေါင်းရင်းမြစ်များ

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Roma 8:31

Jadi sampesuvu-sampesuvu. Ane rapekirita pura-pura anu nipovia nu Alatala ka kita, maroso rarata. Apa ane Alatala mosabingga ka kita, isema mompakule mangeva kita?

Efesus 3:12

Kita nomparasaya i Kristus bo kita nosangu rara ante Ia, jadi domo makaja rarata mosinggava nte Alatala riara posambayata, bo nisanita ratarimaNa.

Ibrani 10:19

Jadi sampesuvu-sampesuvu, hitupa kita domo paraluu makaja rarata manggaparai Alatala riara posambayata bo metupu nte Ia. Namala rauli kita namala mesua sampe ri Tombi Nelabi Kagasana sabana raa lako ri kamate i Yesus.

Ibrani 4:16

Sabana haitu, nee maeka. Kita kana mabia mosinggava nte Alatala riara posambayata apa Alatala nabelo raraNa bo nipotoveNa kita. Ane kita mekitulungi nte Ia, kita rapoasiNa bo ratulungiNa ri tempo niparaluuta.