Ibrani 12:28 - Kaili Ledo

²⁸ Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.

Ibrani 12:28 ပူးပေါင်းရင်းမြစ်များ

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Lukas 1:33

Ia momparenta toYahudi mpo Magau sampe ri kasae-saena. Bo poparentaNa haitu ledo maupu-upu.”

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Efesus 5:10

Pasimbukumo ala rasanimiu pokainggu nipokono nu Alatala.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Ibrani 10:19

Jadi sampesuvu-sampesuvu, hitupa kita domo paraluu makaja rarata manggaparai Alatala riara posambayata bo metupu nte Ia. Namala rauli kita namala mesua sampe ri Tombi Nelabi Kagasana sabana raa lako ri kamate i Yesus.

Ibrani 13:15

Jadi ante petulungi i Yesus, kita kana masaro manggeni pesombata ka Alatala. Kita kana mombatoiya Ia bo manguli tarima kasi ka Ia, apa haitumo nireke pesombata.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Ibrani 4:16

Sabana haitu, nee maeka. Kita kana mabia mosinggava nte Alatala riara posambayata apa Alatala nabelo raraNa bo nipotoveNa kita. Ane kita mekitulungi nte Ia, kita rapoasiNa bo ratulungiNa ri tempo niparaluuta.

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

1 Petrus 2:20

Ane komiu raboba sabana komiu nasala, bo ane komiu mosabara riara kasusa haitu, ledo masipato komiu ratoiya nu Alatala! Tapi ane komiu rapandasa sabana pokainggumiu nabelo, bo ane komiu mosabara riara kasusa haitu, komiu mpuu-mpuu ratoiya nu Alatala.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

Pompakita 1:6

Kita nipajadiNa todea riara poparentaNa, kita nipajadiNa topanggeni pesomba anu manggeni pesomba ka TuamaNa Alatala. Masipato i Yesus ratoiya bo rabila, bo masipato Ia momparenta sampe ri kasae-saena! Amin!

Pompakita 15:4

Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa.”

Pompakita 5:10

Ira nipajadiMiu magau bo topanggeni pesomba anu nanggeni pesomba ka Tuputa Alatala. Bo ira moparenta mpo magau ri dunia hitu.”