Ibrani 12:24 - Kaili Ledo

²⁴ Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

Ibrani 12:24 ပူးပေါင်းရင်းမြစ်များ

Matius 23:35

Haitumo sampe komiu natuvu sii-sii mombatanggu pura-pura raa ntonoa nipatesi, nompamula lako ri pompatesi i Habel anu ledo nasala, sampe pompatesi i Zakharia, ana i Berekia. Ia nipatesi ntotuamiu ri olo Banua nu Alatala bo lanta pesomba.

Matius 26:28

sabana hitumo raaKu rapatiti ka todea ngena ala mompakaasa Pojanji nu Alatala nabaru. RaaKu hitu rapatiti ka todea ala dosa-dosara raampungi.

Markus 14:24

Naupu haitu niuliNamo, <

Lukas 11:51

Nompamula lako ri pompatesi i Habel sampe ri pompatesi i Zakharia anu najadi ri doyata Banua nu Alatala ri olo nu lanta pesomba bo Banua nu Alatala. Parasayamo! Komiu natuvu sii-sii mpuu-mpuu rahuku sabana pokainggu ntotuamiu!

Lukas 22:20

Ivesia muni naupu nangande, nialana saboda uve anggur bo niuliNa, “Panginu hitu tandana Pojanji nu Alatala nabaru anu rapakaasa nte raaKu matiti ka komiu.

Galatia 3:20

Topotariolo aga niparaluu ane maria randua tona nosijanji. Tapi tempo Alatala novia pojanjiNa ante i Abraham, ledo ria malaeka atau tona ntanina ri olona. Aga Alatala mbotomo nojanji.

1 Timotius 2:5

haitumo, Alatala aga saito, bo aga saito muni topetariolo anu nompoposinggabelo Alatala bo manusia. Topetariolo, Iamo i Yesus Kristus.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 11:28

Lako ri pomparasayana, nituduna toIsrael movia ada Paskah. Niparentana ira mombadika raa ri vambara ala malaeka anu nanggeni kamatea ledo mompatesi ana lumbuara mosanggani-nggani ante ana lumbua ntoMesir.

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

Ibrani 7:22

Lako ri posumpa haitu, nalantomo pojanji nu Alatala nabaru nabelopa pade pojanji njae. Apa i Yesusmo namala nompakatantu pojanji haitu mpuu-mpuu madupa.

Ibrani 8:13

Ri tesaNa pangane, Alatala nombatesa pojanji nabaru, jadi nipakalantoNa pojanji nokolu natuamo bo domo rapake. Anu domo nipake bo natuamo natantu domo masae malipomo.

Ibrani 8:6

Tapi i Yesus nanggava pokarajaa nanggeni pesomba anu nabelopa pade pokarajaa ntopanggeni pesomba ri dunia hitu anu nangoseaka Atura-atura agama nggaulu. Bo ivesia muni pojanji nabaru anu nipasiayuNa ri olo nu Alatala bo manusia nelabipa kabelona pade pojanji nokolu, sabana pojanji nabaru nipovia nangoseaka janji-janji tobelona.

Ibrani 8:8

Alatala mboto nanggita kakura ntodea toYahudi sampe niuliNa ivei: “Pariaramo! Kana makava tempona bara maipia Yaku movia pojanji nabaru ante toIsrael bo valaa i Yehuda.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

Ibrani 9:19

Pamulana, i Musa nompopaisani ka todea toYahudi pura-pura parenta anu naria riara Atura-atura nu Alatala. Naupu haitu nialana raa ana japi bo tovau lakina nisambale bo nigalona ante uve. Naupu haitu nialana sepi-sepi nu kavoko hisop anu nipou ante lui bulu bimba nalei. Nitomena ri raa bo nivembasikana Buku Parenta-Parenta bo todea.

Ibrani 9:21

Bo ivesia muni i Musa nombavembasi raa ri Tenda nTupu bo pura-pura gana rapake metupu nte Alatala ala majadi magasa.