Ibrani 11:35 - Kaili Ledo

³⁵ Lako ri pomparasayara, mombine-mombine nanggita mpanjili tona-tonara anu nipakatuvu mpanjili lako ri kamatena. Tapi naria muni tona ntanina nompalamba karora nipandasa sampe namate sabana pomparasayara. Ira ledo nadota rakabasaka lako ri kasusa haitu apa ira madota rapakatuvu mpanjili bo manggava katuvua nabelopa.

Ibrani 11:35 ပူးပေါင်းရင်းမြစ်များ

Matius 22:30

Tempo tona namate matuvu mpanjili bara maipia, katuvura masimbayu eva malaeka-malaeka ri suruga, ira domo moberei.

Markus 12:25

Tempo tona namate matuvu mpanjili bara maipia, katuvura masimbayu mpo malaeka-malaeka ri suruga. Ira domo moberei.

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

Lukas 20:36

Ira masimbayu ante malaeka nu Alatala, domo mamate. Ira majadi ana-ana nu Alatala sabana ira nipakatuvu nu Alatala mpanjilimo.

Yohanes 5:29

bo mesuvu lako ponturora. Tona nabelo pokainggura matuvu mpanjili bo manggava katuvua mabelo sampe ri kasae-saena. Bo tona nadaa pokainggura matuvu mpanjili ala rahuku.”

Suro-Suro 22:29

Nangepe haitu, kaliu-liu noura tantara-tantara anu nasadia mombacambu i Paulus. Tadulakora muni naeka, sabana nipoura i Paulus, tano i Paulus haitu todea nu Magau Mbaso.

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

Filipi 3:11

ala yaku muni mamala rapakatuvu mpanjili lako ri kamateku.