Ibrani 11:33 - Kaili Ledo

³³ Lako ri pomparasayara, sanu ira nombadagi magau-magau. Nipoviara dota nu Alatala jadi nitarimara anu nijanji nu Alatala ka ira. Sanu ira nombaramu nganga nu singa.

Ibrani 11:33 ပူးပေါင်းရင်းမြစ်များ

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Galatia 3:16

Ivesia muni ante pojanji nu Alatala. Ia nombadekei pojanjiNa ka i Abraham bo mulina. Riara Buku Gasa ledo nitulisi belo haitu radekei “ka muli-mulimu”, batuana, ka muli dea i Abraham. Anu nitulisi, belo haitu radekei “ka mulimu”, batuana ka saito muli i Abraham, haitumo i Yesus Kristus.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Ibrani 11:17

Lako ri pomparasaya i Abraham, ia nasadia nombadekei anana i Ishak majadi pesomba ka Alatala tempo pomparasayana niuji nu Alatala. Bara ipia Alatala nojanji ka i Abraham ivei: “Lako ri Ishakmo iko manggava muli nijanjiKu ka iko.” Tapi naupa ivesia, i Abraham nasadia mombasambale i Ishak, anana saito-itona, majadi pesomba ka Alatala.

Yakobus 2:18

Bara rauli ntona ivei: naria tona nanjarumaka pomparasayana. Bo naria muni tona nanjarumaka pokaingguna. Tapi kuuli ka komiu, ledo rapakulemiu mompopakita pomparasayamiu ka yaku ane ledo nabelo pokainggumiu. Tapi ante pokaingguku nabelo, rasanimiumo yaku mpuu-mpuu nomparasaya.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.