Ibrani 10:4 - Kaili Ledo

⁴ Sabana, raa lako ri japi lakina bo tovau lakina ledo ntoto nompakalali dosa.

Ibrani 10:4 ပူးပေါင်းရင်းမြစ်များ

Markus 12:33

Kita manusia kana mompotove Alatala ante mpuu-mpuu rarata bo ante pura-pura pompahata bo ante pura-pura pompakuleta. Bo kita muni kana mompotove singgamanusiata nasimbayu mpo pompotoveta karota mboto. Haitu nelabipa nopoko pade nombadekei mpengaya-ngaya pesomba nipalabu atau pesomba-pesomba ntanina ka Alatala.>>

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Roma 11:27

Bo haitumo pojanjiKu nte ira tempo Yaku mombaampungi dosa-dosara.>> Yeremia 31:33-34

Ibrani 10:1

Atura-atura agama Yahudi aga gambara. Riara Atura-atura haitu dopa nisanita mpuu kabelo rakavata lako nte i Kristus. Aga vayona nikitata, ledo lenjena mpuu. Mpae-mpae tona nakava nanggeni pesomba nasimbayu rapesomba ka Alatala, nangoseaka Atura-atura haitu. Tapi pesomba-pesomba haitu ledo ntoto nompakule manggeni tona majadi nanoa ri panggita nu Alatala.

Ibrani 10:11

Eo-eo topanggeni pesomba agama Yahudi neangga nantui pokarajaara. Nadea nggani nikenira pesomba-pesomba nasimbayu ka Alatala. Tapi pesomba haitu ledo ntoto nompakule mompakalali dosa.

Ibrani 10:8

Ri bavona, i Kristus nanguli Alatala ledo nompokono pesomba bo pedekei, ledo muni nipokonoNa pesomba nipalabu bo pedekei-pedekei nidekei raposompo dosa. I Kristus notesa ivesia nau pesomba bo pedekei haitu nikeni ka Alatala nangoseaka Atura-atura agama Yahudi.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.

1 Yohanes 3:5

Nisanimiumo patuju i Yesus nakava ri dunia ala Ia mompakalali pura-pura dosa manusia. Bo nisanimiu muni Ia mboto ledo ntoto nadosa.