Ibrani 10:31 - Kaili Ledo

³¹ Natantumo maviora mpuu rara ntona anu mambela pehuku lako nte Alatala anu natuvu sampe ri kasae-saena!

Ibrani 10:31 ပူးပေါင်းရင်းမြစ်များ

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Lukas 12:5

Kuuli ka komiu isema masipato rapokaekamiu! Aginamo komiu maeka nte Alatala, sabana Ia nakuasa mompatesi karomiu bo mombanavusaka komiu riara narakaa! Pariaramo tesaKu hitu! Aga Alatala masipato rapokaekamiu!

Lukas 21:11

Ri umba-umba ri dunia maria lingu mbaso bo ara mpai bo dua naronja. Ri langi maria kajadia mepakaeka bo tanda-tanda ledo nasaro nikita.

Suro-Suro 13:11

Hitupa Tupu mombahuku iko! Iko majadi maburo bo ledo mukita mata nu eo bara sako-eo kasaena!” Nangepe haitu kaliu-liu naburomo mata i Elimas, nirasaina eva kulimu vuri nombabungu matana, damo nigayo-gayona luona nangelo tona mombanini ia.

2 Korintus 5:11

Jadi naeka rara kami movia anu ledo rapokono nTupu, apa nisani kami Ia mombatangara kita pura-pura. Jadi haitumo sabana kami nompasimbuku manggeni tona momparasaya i Yesus. Nisani nu Alatalamo isi rara ntai kami. Bo nisarumakaku rasanimiu muni isi rara ntai kami bo domo monggai raramiu mompekirika kami.

Ibrani 10:27

Ane ivesia pokaingguta, damo aga maviora rarata mompopea pehuku bo apu narega mpuu anu mompalabu tona nangeva Alatala.

Ibrani 12:29

Apa Alatala anu nisombata, mombahuku tona nompoara kabeloNa, nasimbayu mpo apu mepalabu.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!