Galatia 6:4 - Kaili Ledo

⁴ Aginapa simbo raparesana pokaingguna mboto ala rasanina bara nabelo pokaingguna bara ledo. Ane nabelo pokaingguna, mamala ia madamba mompekirika pokaingguna haitu. Ledo paraluu ia mompoposisala atau mompakasimbayu pokaingguna ante pokainggu ntona ntanina,

Galatia 6:4 ပူးပေါင်းရင်းမြစ်များ

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

1 Korintus 11:28

Jadi pura-pura tona kana raparesana ntani ruru rara ntaina mboto. Bo maupu haitu pade mamala ia mangande roti bo manginu uve anggur haitu.

1 Korintus 3:14

Ane nabelo pokarajaara rakita nu Alatala, topokarajaa haitu manggava tambo lako nte Alatala.

1 Korintus 3:8

Topotuda bo topodundusi nasimbayu, bo ira simbo mantarima tambo nangoseaka kantamo pokarajaara mboto.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 13:5

Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.

Galatia 6:13

Tapi kakanana tona nangoseaka ada posuna, ira mboto ledo natutu nangoseaka pura-pura Atura agama. Ira aga madota komiu rasuna ala ira mamala mangoe sabana komiu nangoseaka parentara haitu.

Filipi 1:26

Jadi, ane yaku manjili tou nte komiu, komiu mpuu-mpuu madamba mantoiya Yesus Kristus sabana yaku.