Galatia 6:2 - Kaili Ledo

² Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

Galatia 6:2 ပူးပေါင်းရင်းမြစ်များ

Matius 8:17

Haitu najadi ala madupa tesa nu Alatala anu nipasimbayu Nabi Yesaya nggaulu ivei: “Iamo nomparikaro kasusata bo nompakabelo kita nadua.” Yesaya 53:4

Lukas 11:46

Nesana i Yesus, “Mandasa muni komiu guru-guru agama! Komiu nompakadea atura bo ada nakaja raoseaka ntona bo nipasuumiu tona mangoseakana. Tapi komiu mboto ledo nantulungi ira mangoseakana!

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

Yohanes 15:12

Ivei parentaKu: posimpotovemo, masimbayu mpo Yaku nompotove komiu.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 9:21

Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

Galatia 6:5

sabana saito-saito kana mombatanggu pokaingguna mboto.

1 Tesalonika 5:14

Kami merapi nte mpuu-mpuu rara, onteakamo tona namau nokarajaa. Pakarosomo rara ntona naeka. Tulungimo tona anu paraluu ratulungi. Posabaramo nte tona pura-pura.

Yakobus 1:25

Atura nu Alatala nagana mpuu bo naria kuasana mombakabasaka manusia lako ri dosa. Isema-sema nompariara pakabelo-belo bo batena nangoseaka Atura nu Alatala, bo ledo aga neepe bayangi bo nalinga, iamo radekeika nu Alatala belo riara bara nuapa-nuapa rapoviana.

Yakobus 2:12

Jadi komiu kana mombajagai pakabelo-belo tesamiu bo pokainggumiu. Apa komiu nangoseaka atura nu Alatala anu nakuasa mombakabasaka manusia lako ri kuasa dosa.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

2 Petrus 2:21

Aginapa ledo sanggania rasanira dala nakana, pade rasanira bo maupu sia aga rakabasakara parenta-parenta nu Alatala nipatolele ka ira.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”