Galatia 6:10 - Kaili Ledo

¹⁰ Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Galatia 6:10 ပူးပေါင်းရင်းမြစ်များ

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 12:50

Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 5:43

“Niepemiu pepatuduki nggaulu nanguli ivei: ‘Potovemo roamiu bo povuu matamo balimiu.’

Markus 3:4

Pade i nipekutanaNa toFarisi naria ri sia, <> Tapi ira ledo nadota nesana.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Yohanes 12:35

Nesana i Yesus, “Damo sampalai reme maroo nte komiu. Jadi agina komiu molipa tempo da nareme ala komiu ledo rakava nu landa. Tona nolipa riara kalandana ledo nisanina hau ri umba rakasondana.

Yohanes 9:4

Ane da maeo, kita kana movia pokarajaa nu Alatala anu nantudu Yaku. Apa ane mabongimo domo mamala mokarajaa.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

2 Korintus 2:8

Jadi kuperapi nte komiu, popakitamo tovemiu ka ia.

Galatia 1:23

Ira aga nangepe tesa ntona nanguli, “Topompandasa kita topomparasaya bara ipia, anu madota mompakaropu kita, hitupa nompatolele Kareba Belomo!”

Efesus 2:19

Jadi, sampesuvu-sampesuvu ledo toYahudi, bara ipia komiu aga nireke ntona tosangatana, bo ledo todea nu Alatala. Tapi sii-sii domo ivesia. Sii-sii komiu nosamporoa nte todea nu Alatala. Komiu najadi nosambanua ante pura-pura ana-ana nu Alatala.

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

Efesus 5:16

Pakemo loga naria nte komiu movia anu nabelo, sabana tempo sii-sii pokainggu manusia nadaa mpuu.

Filipi 4:10

Nadamba mpuu raraku nosangu rara nte i Pue Yesus sabana nau nasaemo kita nosinggavaoni, sii-sii nitulungimiu vaimo yaku. Ledo niuliku komiu ledo nantora yaku bara ipia. Nisaniku dopa ria logamiu mompakatu pedekeimiu ka yaku.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

1 Petrus 4:17

Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

3 Yohanes 1:10

Ane makava ri situ yaku, kana kupakalanto ka komiu pura-pura anu nipoviana, sabana poviana haitu ledo ntoto nabelo. Nadea mpuu tesa dava niulina nompakadaa sanga kami. Bo ledo aga haitu. Tempo roa-roata sampomparasaya nakava nanggeni Kareba Belo, ledo nadota ia nantarima ira ri banuana. Bo nitagina muni topomparasaya ntanina mantarima ira. Isema ledo nantuntuni tesana haitu, nipopalaina lako ri kasiromu ntodea topomparasaya, ledo nipalogana ira mantuntuni podade.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

3 Yohanes 1:3

Nadamba mpuumo raraku, sabana bara sako-ndua topomparasaya nakava nte yaku nanguli iko naroo nomparasaya pepatuduki nakana. Niulira iko mpuu-mpuu natuvu nangoseaka pepatuduki nakana.