Galatia 6:1 - Kaili Ledo

¹ Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

Galatia 6:1 ပူးပေါင်းရင်းမြစ်များ

Matius 11:29

Paritundu pasanga Kudika ka komiu bo pegurumo nte Yaku, apa Yaku nalusu bo naede raraKu bo Kupakatinonto raramiu.

Matius 26:69

Tempo haitu i Petrus da nonturo ri savalikuna ri doyata banua haitu. Saito batua mombine anu nokarajaa ri banua Pakeni nTopanggeni Pesomba nanggaparai ia bo nanguli, “Iko muni roa i Yesus toGalilea haitu!”

Matius 26:75

Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.

Matius 9:13

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

Roma 8:6

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.

1 Korintus 10:12

Jadi isema-sema nompekiri narosomo pomparasayana bo ledo mamala rapesori, pakabelo-belo! Nee sampe ia muni manavu riara dosa!

1 Korintus 14:37

Ane maria tona mompekiri ia nabi anu nidekeika pompakule mompasimbayu tesa nitarimana lako nte Alatala, atau maria pompakule ntanina lako nte Nosa Gasa, tantu rasanina tesa-tesa nitulisiku hitu parenta lako nte i Pue Yesus.

1 Korintus 2:15

Tona naria Nosa Gasa nu Alatala nte ia, nompakule nomparesa bo nompaha mpengaya-ngaya. Tapi tona ledo naria Nosa Gasa nte ia, ledo nompakule mombapaha pekiri ntona naria Nosa Gasa.

1 Korintus 3:1

Sampesuvu-sampesuvu, tempo yaku naria nte komiu, ledo nitesaku ka komiu nasimbayu mpo nitesaku ka tona nikuasai Nosa Gasa nu Alatala. Tapi nitesaku ka komiu nasimbayu mpo nitesaku ka tona anu da nangoseaka dota rarara nadaa bo ledo naria Nosa Gasa, apa pomparasayamiu i Kristus dopa naroso. Komiu da mpo ngana kodi.

1 Korintus 4:21

Jadi ane yaku tou nte komiu ri situ, umbana rapokonomiu? Paraluu yaku makava mompokarau komiu apa pokainggumiu dopa nabali? Atau yaku makava ante lusu rara bo asi mata apa nibalikimiumo pokainggumiu?

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

2 Korintus 10:1

Hitupa yaku, Paulus, naria anu kuperapi nte komiu. Sanu tona ri situ nanguli yaku nabia notesa ri suraku, tapi ane nantingayo komiu, pangulira yaku aga naeka bo ledo nabia nanguli ri mata. Jadi ante raraku naede bo nalusu, nasimbayu mpo rara i Kristus,

2 Korintus 2:7

Hitupa komiu kana mombaampungi ia bo mompakavoe rarana. Nee sampe ia masusa gaga bo maupu rarana.

2 Korintus 2:8

Jadi kuperapi nte komiu, popakitamo tovemiu ka ia.

Galatia 5:23

naede rarara, bo nombakuasai dota nu karora mboto. Ledo ria atura agama anu nombatagi pokainggu ivehaitu.

Galatia 6:18

Sampesuvu-sampesuvuku, kuperapi Tuputa Yesus Kristus bate-batena mabelo nte komiu. Amin. Tabe lako nte yaku, Paulus

1 Tesalonika 4:1

Kaupuna, sampesuvu-sampesuvu: bara ipia kami nompatuduki ka komiu pokainggu masipato rapoviamiu ala madamba rara nu Alatala. Bo nisaniku nipoviamiumo anu nipatuduki kami. Tapi kami merapi nte mpuu-mpuu rara bo mompopatora komiu ante kuasa nidekei i Pue Yesus ka kami: pasimbukumo hanupa matuvu nte pokainggu mompakadamba Alatala!

2 Tesalonika 3:15

Tapi nee mavuu matamiu nte ira. Popaingamo ira, apa ira sampesuvumiu sampomparasaya.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

Ibrani 12:13

Osemo dala nalumbu ala kadamiu nakejo ledo matepakodu, tapi maroso mpanjili.

Ibrani 13:3

Toramo bo tulungimo tona nitarunggu evamo komiu mboto nitarunggu nosanggani-nggani ante ira. Bo toramo bo tulungimo tona nipakasusa sabana pomparasayara, evamo kasusamiu mboto.

Yakobus 3:13

Ane maria nte komiu tona nabelo pekirina bo nanoto rarana, ia kana mompopakita notona ante pokaingguna nabelo. Noto pompekirina haitu kana rapopakitana ante pokainggu nabelo anu neumba lako ri kaede rarana, mpo masipato ka tona nanoto rarana.

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.

1 Yohanes 5:16

Sampesuvu-sampesuvuku, ane rakitamiu roamiu sampomparasaya novia dosa anu ledo mompopogaa ia lako nte Alatala sampe ri kasae-saena, komiu kana mosambaya ka roamiu haitu. Posambayamo ala ia majea bo Alatala mombadekei ka ia katuvu mabelo sampe ri kasae-saena. Tona niuliku hitu, tona novia dosa anu ledo nompopogaa ia lako nte Alatala sampe ri kasae-saena. Naria muni dosa anu nompopogaa tona lako nte Alatala. Ledo paraluu raposambayakamiu tona novia dosa haitu.