Galatia 5:17 - Kaili Ledo

¹⁷ Apa dota rara nadaa nosieva nte dota nu Nosa Gasa. Rongaya haitu nosieva sampe kita ledo nasaro novia anu nipodotata mboto.

Galatia 5:17 ပူးပေါင်းရင်းမြစ်များ

Matius 12:30

Isema-sema ledo nosabingga ante Yaku, iamo nangeva Yaku. Isema-sema ledo nantulungi riara pokarajaaKu, iamo nompakagero pokarajaaKu.

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Matius 16:23

Tapi i Yesus neili bo nanguli ka ia, “Palaimo lako ri sii, Magau Seta! Iko, Petrus, aga nombabonto Yaku ala ledo Kuoseaka dota nTuamaKu! Pekirimu tutu pekiri nu manusia, ledo pekiri lako nte Alatala!”

Matius 26:41

Komiu kana mainga pura bo mosambaya ala komiu ledo mambela pesori! Komiu madota movia anu mabelo, tapi ledo nipakulemiu sabana komiu manusia nalente.”

Matius 5:6

Nabelo mpuumo tona naino rarana matuvu manoa ri panggita nu Alatala, sabana Alatala mbotomo mompopapakule ia matuvu manoa.

Lukas 22:33

Pade nesana i Petrus, “Pue, ledo kupalaisi Komiu! Yaku nasadia ratarunggu mosanggani-nggani nte Komiu!”

Lukas 22:46

NiuliNa ka ira, “Pembangumo! Nakuya komiu aga namonjo? Pembangumo bo posambayamo ala komiu ledo mambela pesori.”

Yohanes 3:6

Karota najadi lako ri manusia, tapi katuvu nabaru najadi lako ri kuasa Nosa Gasa nu Alatala.

Roma 8:13

Sabana, ane kita matuvu mangoseaka dotata mboto nadaa, kita mamate bo rapopogaa lako nte Alatala. Tapi ane rakabasakata pokaingguta nadaa ante kuasa lako nte Nosa Gasa nu Alatala, kita matuvu mabelo sampe ri kasae-saena.

Galatia 3:21

Jadi nuapa batuana? Atura agama nositaliku ante pojanji nu Alatala? Tantu ledo. Ane rapana rapakuleta mangoseaka Atura agama sampe rakavata katuvua nabelo, tantu haitumo majadi dalata mompakanoa karota mboto ri panggita nu Alatala.

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.