Galatia 5:16 - Kaili Ledo

¹⁶ Patujuku ivei: komiu kana matuvu mangoseaka dota Nosa Gasa nu Alatala ala komiu ledo matuvu mangoseaka dota raramiu nadaa.

Galatia 5:16 ပူးပေါင်းရင်းမြစ်များ

Roma 6:12

Jadi nee rapalamba dosa mombakuasai katuvumiu ri dunia hitu, ala komiu ledo mangoseaka dota raramiu anu nadaa.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

1 Korintus 7:29

Sampesuvu-sampesuvuku, patujuku ivei: kita topomparasaya kana mantora tempota domo masae. Jadi nompamula sii-sii tona nobereimo nee aga mompekirika bereina.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Galatia 3:17

Patujuku ivei: Pojanji nu Alatala ante i Abraham nipakaasa nu Alatala mboto. Pata-atu talupulu mpae kaliuna haitu, Alatala nombadekei Atura agama anu nipapola Nabi Musa. Atura-atura agama haitu ledo namala mombabaliki pojanji nokolu sampe pojanji haitu domo madupa. Pojanji nu Alatala kana madupa pura.

Galatia 6:8

Batuana, ane tona batena natuvu nangoseaka dota rarana nadaa, aselena, ia mamate bo rapopogaa lako nte Alatala. Tapi ane tona natuvu nangoseaka dota Nosa Gasa nu Alatala, rakavana katuvua nabelo sampe ri kasae-saena anu radekei nu Nosa Gasa.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Kolose 2:11

Kita nosangu rara ante i Kristus jadi kita nireke nisuna. Tapi posunata haitu ledo anu nipovia nu manusia ri karota tapi anu nipovia i Kristus riara ntaita. Batuana, kita nikabasaka lako ri kuasa nu dosa.

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

1 Petrus 4:6

Haitumo sampe Kareba Belo nipatolele muni ka tona namatemo. Ira namatemo sabana pehuku nu Alatala, nasimbayu nte pura-pura manusia ntanina. Tapi Kareba Belo nipatolele ka ira ala nyawara mamala matuvu mabelo mangoseaka dota nu Alatala.