Galatia 4:9 - Kaili Ledo

⁹ Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Galatia 4:9 ပူးပေါင်းရင်းမြစ်များ

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Lukas 5:38

Kakanana, uve anggur nabaru kana raboli ri pomboli nabaru muni.

Yohanes 10:14

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

1 Korintus 13:12

Anu nikitata sii-sii nasimbayu mpo vayo nu lenje navuyo-vuyo riara pompevayo. Tapi ri tempo makava malanto rakitata mpo tona mosinggita lenje. Sii-sii pangisaniku da nakura, tapi tempo bara maipia malanto kusani pura-pura nuapa, nasimbayu mpo Alatala nangisani pura-pura karoku hitu.

1 Korintus 15:34

Jadi pakanoto mpanjili pekirimiu bo tumo rapovia dosa! Da nariapa sanu komiu dopa nosisani belo nte Alatala. Niuliku ivesia ala maeya matamiu.

1 Korintus 8:3

Tapi isema-sema mpuu-mpuu nompotove Alatala, ia niposisani nu Alatala.

2 Korintus 11:20

Nosabara mpuu komiu ante pakeni anu nomparenta komiu mpo potudua, atau nompakaupu anumiu, atau nombaakalani komiu, atau nokainggu nasombo nte komiu, atau nosapa lenjemiu!

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Galatia 3:3

Jadi nakuya komiu nadoyo gaga? Lako ri pamulana komiu nomparasaya i Kristus, nitarimamiu katuvu nabaru lako ri kuasa Nosa Gasa. Rapakulemiu mompapola katuvu nabaru ante pompakulemiu mboto? Tantu ledo!

Galatia 4:3

Ivesia muni kita. Dopame nisanita pepatuduki nakana, kita nipobatua anu daa, anu nombakuasai dunia hitu.

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 7:18

Jadi sii-sii Atura-atura agama nokolu nisambei nu Alatala sabana ledo ria kuasana bo ledo ria gunana.

2 Petrus 2:20

Mandasa mpuumo ira! Apa bara ipia ira mpuu-mpuu nosisani nte Tuputa Yesus, Topompakasalama kita, sampe ira nikabasakamo lako ri pokainggu nadaa anu nompakagero manusia ri dunia hitu. Tapi naupu sia, ira nipemala bo nikuasai nu pokainggu-pokainggu nadaa haitu mpanjili. Kaupuna, nelabipa kandasa katuvura pade ri pamulana.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.