Galatia 4:30 - Kaili Ledo

³⁰ Tapi berimba niuli riara Buku Gasa? “Popalaimo mombine anu najadi batua ante anana, sabana anana haitu ledo mamala manggava bagia lako ri kakalumana ntuamana mosanggani-nggani ante ana nipoanaka mombine anu ledo najadi batua.”

Galatia 4:30 ပူးပေါင်းရင်းမြစ်များ

Yohanes 8:35

Ane batua, ledo natantu makuasa riara banua nu madika. Tapi ane ana nu madika, natantumo ia makuasa riara banua ntuamana.

Roma 11:2

Alatala ledo nompoara todeaNa anu nipelisiNa lako bara ipiame. Toramo tesa Nabi Elia nitulisi ri Buku Gasa. Tempo ia nompangadu toIsrael ri ngayo nu Alatala niulina ivei:

Roma 4:3

apa nitulisi riara Buku Gasa ivei: <> Kajadia 15:6

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Galatia 3:8

Lako ri lamba pamulana Alatala nonia ala tona ledo toYahudi majadi manoa ri panggitaNa sabana pomparasayara. Jadi kareba nabelo haitu nipopaisaniNa nokolu ka i Abraham, evamo nitulisi ri Buku Gasa ivei: “Pura-pura manusia ri dunia manggava belo lako nte Yaku sabana komiu.”

Galatia 4:22

Nitulisi ivei: i Abraham randua anana, saito nipoanaka i Hagar, mombine anu najadi batua, bo saitopa nipoanaka i Sara, berei i Abraham anu ledo najadi batua.

Galatia 4:31

Jadi, sampesuvu-sampesuvu, kita ledo nasimbayu nte ana nu mombine anu najadi batua. Kita nasimbayu nte ana nu mombine anu ledo najadi batua, sabana kita ledo nipobatua nu Atura agama, tapi kita nomparasaya pojanji nu Alatala.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.