Galatia 4:3 - Kaili Ledo

³ Ivesia muni kita. Dopame nisanita pepatuduki nakana, kita nipobatua anu daa, anu nombakuasai dunia hitu.

Galatia 4:3 ပူးပေါင်းရင်းမြစ်များ

Matius 11:28

Isema-sema nalenge bo nantamo panggenina, kamaimo nte Yaku! Yaku mompakangaa ia.

Yohanes 8:31

Naupu haitu, i Yesus nanguli ka toYahudi anu nomparasaya Ia, “Ane komiu maroo mangoseaka tesaKu, komiu mpuu-mpuu topangoseaka Yaku.

Suro-Suro 15:10

Jadi nakuya komiu ledo nadota nantarima anu nipovia nu Alatala sii-sii? Nakuya komiu aga madota mompasuu ira mantuntuni atura-atura anu nakaja mpuu raoseaka? Totuata nggaulu bo kita mboto ledo nompakule nangoseaka atura-atura haitu.

Roma 7:14

Sampesuvu-sampesuvu, nisanita Atura agama mpuu-mpuu nabelo sabana Atura haitu lako nte Nosa Gasa nu Alatala. Tapi yaku hii aga manusia nalente, yaku nipobatua nu dosa.

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

2 Korintus 11:20

Nosabara mpuu komiu ante pakeni anu nomparenta komiu mpo potudua, atau nompakaupu anumiu, atau nombaakalani komiu, atau nokainggu nasombo nte komiu, atau nosapa lenjemiu!

Galatia 2:4

Tapi naria tona ntanina madota mompasuu i Titus rasuna, nangoseaka atura agama Yahudi. Panguli ntona haitu, ira topomparasaya i Kristus, tano aga davara. Ira nesua nggalino-lino ri kasiromu kami bo nomata-matai kami. Patujura ala pura-pura topomparasaya matundu nte atura-atura agama Yahudi. Tapi kita ledo paraluu matundu nte atura-atura haitu ala majadi manoa ri panggita nu Alatala. Kita nikabasaka lako ri atura haitu sabana kita nosangu rara ante i Yesus Kristus.

Galatia 3:19

Jadi ane ivesia, nuapa tano patuju nu Atura agama? Alatala nombadekei Atura-atura agama naliutaka pojanjiNa ka i Abraham, ala malanto ka kita, manusia nadosa nombaliunaka dotaNa. PatujuNa ala Atura haitu rapake sampe kakava nu Muli i Abraham anu niboto riara pojanijiNa nte i Abraham nggaulu, haitumo i Yesus Kristus. Alatala nombatudu malaeka-malaekaNa manggeni Atura agama ka i Musa anu najadi topotariolo nompapola Atura haitu ka manusia.

Galatia 4:24

Tesa hitu najadi gambara ka kita. Randua mombine haitu nirapaka rongaya pojanji nu Alatala. I Hagar nirapaka pojanji nipovia nu Alatala nte todeaNa ri Bulu Sinai, haitumo Atura agama. Pura-pura tona anu nompasimbuku nangoseaka Atura agama natuvu mpo batua.

Galatia 4:25

I Hagar nirapaka Bulu Sinai ri tana Arab, bo nirapaka muni ka ngata Yerusalem ri dunia hitu, sabana tupu ngata Yerusalem nipobatua nu Atura agama.

Galatia 4:31

Jadi, sampesuvu-sampesuvu, kita ledo nasimbayu nte ana nu mombine anu najadi batua. Kita nasimbayu nte ana nu mombine anu ledo najadi batua, sabana kita ledo nipobatua nu Atura agama, tapi kita nomparasaya pojanji nu Alatala.

Galatia 4:8

Bara ipia, dopame nisanimiu Alatala, komiu nipobatua nu tupu-tupu ntanina anu nisarumakamiu nakuasa, tano mai, ledo Alatala.

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

Kolose 2:20

Namala raulita kita topomparasaya i Kristus namate nosanggani-nggani nte Ia, bo nikabasaka lako ri kuasa malaeka-malaeka nadaa anu nombakuasai dunia. Jadi nakuya komiu da nangoseaka atura-atura ri dunia hitu nasimbayu mpo tona dopa nosisani nte i Kristus?

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

Ibrani 5:12

Kakanana temponamo komiu majadi guru mompatuduki tona ntanina, sabana nasaemo komiu nomparasaya i Yesus. Tapi komiu da noparaluu guru mompatuduki ka komiu pepatuduki pamulana lako ri Tesa nu Alatala, komiu dopa nasadia nantarima pepatuduki kapolana. Komiu nasimbayu mpo ngana kodi da netomi, anu dopa nasadia mangande kandea nakaa!

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.