Galatia 4:28 - Kaili Ledo

²⁸ Sampesuvu-sampesuvu, komiu najadi ana-ana nu Alatala nangoseaka pojanjiNa, nasimbayu nte i Ishak anu nipoanaka nangoseaka pojanji nu Alatala.

Galatia 4:28 ပူးပေါင်းရင်းမြစ်များ

Suro-Suro 3:25

Janji-janji nu Alatala anu nipasimbayu nu nabi-nabi, nambela komiu sii-sii. Pojanji nipovia nu Alatala nte totuamiu nggaulu nambela muni nte komiu. Alatala nojanji ka Nabi Abraham, totuata nggaulu ivei: ‘Lako ri mulimu ngena, Kudekei belo ka pura-pura manusia ri dunia.’ Kajadia 22:18; 26:4 Jadi sampesuvu-sampesuvu, komiumo nantarima belo nijanji nu Alatala haitu!

Roma 9:7

Bo ledo muni pura-pura muli i Abraham nireke mulina mpuu, anu masipato mantarima belo nijanji nu Alatala. Apa Alatala nanguli ka i Abraham ivei: <>

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Galatia 4:23

Ana nu batua haitu nipoanaka nangoseaka dota nu manusia. Tapi ana nu mombine anu ledo najadi batua nipoanaka nangoseaka pojanji nu Alatala ka i Abraham.

Galatia 6:18

Sampesuvu-sampesuvuku, kuperapi Tuputa Yesus Kristus bate-batena mabelo nte komiu. Amin. Tabe lako nte yaku, Paulus