Galatia 4:26 - Kaili Ledo

²⁶ Tapi i Sara nirapaka Yerusalem ri suruga. I Sara nireke tinata, sabana ia ledo najadi batua, bo kita ledo nipobatua nu Atura agama.

Galatia 4:26 ပူးပေါင်းရင်းမြစ်များ

Yohanes 8:36

Jadi, ane Ana nu Alatala mbotomo mombakabasaka komiu lako ri dosa, makabasaka mpuumo komiu!

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Roma 6:18

Komiu nikabasakamo lako ri kuasa nu dosa bo sii-sii komiu najadi batua nu Alatala anu nangoseaka dotaNa.

Galatia 4:22

Nitulisi ivei: i Abraham randua anana, saito nipoanaka i Hagar, mombine anu najadi batua, bo saitopa nipoanaka i Sara, berei i Abraham anu ledo najadi batua.

Galatia 4:25

I Hagar nirapaka Bulu Sinai ri tana Arab, bo nirapaka muni ka ngata Yerusalem ri dunia hitu, sabana tupu ngata Yerusalem nipobatua nu Atura agama.

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

Filipi 3:20

Tapi ledo ivesia pokaingguta, sabana kita todea nu suruga. Bo lako ri suruga muni makava Tuputa i Yesus Kristus, Topepakasalama anu nipopeata ante lentora nu rarata.

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.

Pompakita 12:1

Naliu haitu, neumbamo tanda ri langi anu mpuu-mpuu nipokumaaka. Naria saito mombine nopakea mata nu eo. Ia neangga ri bavo nu bula, bo ri balenggana naria songgo nipovia lako ri sapulu randua betue.

Pompakita 17:5

Ri kirena nitulisi sanga ledo nisani ntona batuana, ivei: NGATA BABEL ANU NAKALUMANA TINA NU PURA-PURA BAJINGA PONTURO NTOPOVIA MPENGAYA-NGAYA POKAINGGU NARUTO

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.

Pompakita 3:12

Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.