Galatia 4:25 - Kaili Ledo

²⁵ I Hagar nirapaka Bulu Sinai ri tana Arab, bo nirapaka muni ka ngata Yerusalem ri dunia hitu, sabana tupu ngata Yerusalem nipobatua nu Atura agama.

Galatia 4:25 ပူးပေါင်းရင်းမြစ်များ

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Lukas 13:34

He, komiu toYerusalem! Komiu nompatesi nabi-nabi, bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Lukas 19:44

Ngatamiu ragerosira ngena, bo komiu pura-pura rapatesira. Ledo maria sangu vatu nipakemiu novia ngata hitu rapalambara mosisunju. Haitu pura majadi ngena sabana ledo nipeilimiu tempo hitu Alatala nakavamo mompakasalama komiu.” Naupu i Yesus notesa ivesia, nesuamo Ia riara ngata Yerusalem.

Suro-Suro 1:11

Nanguli malaeka haitu, “Heh, toGalilea! Nakuya komiu aga neangga ri sii, nantingoa langi? I Yesus anu nikitamiu pangane neore rou ri surugamo. Ivesia muni Ia manjili lako ri suruga tumai ri dunia, nasimbayu mpo nikitamiu pangane.”

Galatia 1:17

Yaku ledo muni kaliu-liu hau ri ngata Yerusalem manggita ira anu najadi suro i Yesus nokolupa pade yaku. Tapi yaku hau ri tana Arab, bo lako ri tana Arab nanjili vai hau ri ngata Damsyik.

Galatia 4:24

Tesa hitu najadi gambara ka kita. Randua mombine haitu nirapaka rongaya pojanji nu Alatala. I Hagar nirapaka pojanji nipovia nu Alatala nte todeaNa ri Bulu Sinai, haitumo Atura agama. Pura-pura tona anu nompasimbuku nangoseaka Atura agama natuvu mpo batua.

Galatia 4:26

Tapi i Sara nirapaka Yerusalem ri suruga. I Sara nireke tinata, sabana ia ledo najadi batua, bo kita ledo nipobatua nu Atura agama.

Ibrani 12:18

Sampesuvu-sampesuvu, ledo nirasaimiu anu nirasai ntoIsrael nggaulu tempo nitarimara Pojanji nu Alatala nokolu. Ira nakava nantingayo bulu anu namala ratui, haitumo Bulu Sinai nikavaya nu apu. Nikitara landa mpirika bo kulimu, bo nirasaira poiri narimboso.