Galatia 4:22 - Kaili Ledo

²² Nitulisi ivei: i Abraham randua anana, saito nipoanaka i Hagar, mombine anu najadi batua, bo saitopa nipoanaka i Sara, berei i Abraham anu ledo najadi batua.

Galatia 4:22 ပူးပေါင်းရင်းမြစ်များ

Galatia 4:23

Ana nu batua haitu nipoanaka nangoseaka dota nu manusia. Tapi ana nu mombine anu ledo najadi batua nipoanaka nangoseaka pojanji nu Alatala ka i Abraham.

Galatia 4:30

Tapi berimba niuli riara Buku Gasa? “Popalaimo mombine anu najadi batua ante anana, sabana anana haitu ledo mamala manggava bagia lako ri kakalumana ntuamana mosanggani-nggani ante ana nipoanaka mombine anu ledo najadi batua.”

Galatia 4:31

Jadi, sampesuvu-sampesuvu, kita ledo nasimbayu nte ana nu mombine anu najadi batua. Kita nasimbayu nte ana nu mombine anu ledo najadi batua, sabana kita ledo nipobatua nu Atura agama, tapi kita nomparasaya pojanji nu Alatala.