Galatia 4:19 - Kaili Ledo

¹⁹ Yaku mpuu-mpuu nompotove komiu! Komiu mpo anaku mboto! Yaku nandasa nompekirika komiu, nasimbayu mpo mombine nandasa mpuu tempo noana. Bo yaku batena masusa ivesia sampe inggu-inggu i Kristus mpuu-mpuu malanto rakita riara nggatuvumiu.

Galatia 4:19 ပူးပေါင်းရင်းမြစ်များ

Lukas 22:44

Nasusa mpuu raraNa, sampe Ia nosambaya mpuu-mpuu bo iniNa eva raa natiti ri tana.]

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

2 Korintus 12:14

Pariaramo tesaku hitu. Sii-sii nasadiamo yaku tou mompelioda komiu katalu-ngganina, bo yaku batena ledo mekitanggu nte komiu. Sabana, ledo kakalumanamiu nieloku tapi pepotovemiu! Apa ledo ngana anu masipato mompasiromu kakalumana ka totuana tapi totua masipato mompasiromu kakalumana ka ngana.

Efesus 4:13

sampe kaupuna kita pura-pura mpuu-mpuu mosangu rara sabana kita nomparasaya Ana nu Alatala bo mpuu-mpuu nosisani nte Ia. Bo kita pura-pura mantambai manoto, bo pomparasayata mantambai maroso sampe domo makura nuapa-nuapa. Bo kita majadi nasimbayu mpo i Kristus mboto, nanoto bo naroso.

Efesus 4:24

Komiu kana matuvu mpo manusia nabaru anu nipajadi nu Alatala nangoseaka ingguNa mboto anu nanoa bo mpuu-mpuu nagasa.

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:5

Pekirimiu bo inggumiu kana masimbayu nte pekiri bo inggu i Yesus Kristus.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.

Kolose 3:10

bo nitarimatamo katuvu nabaru. Kita nipajadi nu Alatala manusia nabaru bo Ia bate-batena nombabaliki ingguta majadi masimbayu nte ingguNa mboto. PatujuNa ala kita mpuu-mpuu mosisani belo ante Ia.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Tesalonika 2:7

Tapi ledo ivesia patuju kami. Tempo kami naria ri situ nte komiu bara ipia, pokainggu kami nalusu, nasimbayu nte mombine nombajagai ngana kodina.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.

Filemon 1:10

Yaku, i Paulus, merapi ala mutarima mabelo i Onesimus, anu nipotoveku mpo anaku mboto. Ia nirekeku mpuu-mpuu anaku, sabana tempo yaku riara ntarunggu ri sii, yakumo nompatuduki ia nomparasaya i Yesus, nasimbayu mpo totua langgai nompatuduki anana.

Filemon 1:19

Yaku i Paulus, notulisi tesa hitu ante paleku mboto. Yaku mombabayari indana pura-pura ka iko. Kakanana iko mboto noinda nte yaku sabana lako nte yaku sampe iko nanggava katuvua nabaru.

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.

Yakobus 1:18

Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

1 Yohanes 2:12

Yaku notulisi hitu ka komiu, ngana-ngana, sabana dosamiu niampungimo lako ri kamate i Yesus.

1 Yohanes 5:21

Sampesuvu-sampesuvu nipotoveku. Jagaimo, nee metupu nte tupu-tupu anu ledo nakana. Tabe lako nte yaku, Yohanes

3 Yohanes 1:4

Ledo ria anu nompakadamba raraku nelabipa pade nangepe kareba nanguli ana-anaku natuvu nangoseaka pepatuduki nakana.