Galatia 4:18 - Kaili Ledo

¹⁸ Kakanana nabelo mompasimbuku ante mpuu-mpuu rara movia anu nabelo, asaa masaro ivesia, ledo aga tempo yaku nosanggani ante komiu!

Galatia 4:18 ပူးပေါင်းရင်းမြစ်များ

Yohanes 2:17

Nanggita pokainggu i Yesus haitu, nitora nu ana-anaguruNamo anu nitulisi riara Buku Gasa ivei: “Pepotoveku ka banuaMiu, Pue, mompakamate yaku.” Mazmur 69:9.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Galatia 4:13

Nisanimiu mbotomo pamulana yaku nipaloga nompatolele Kareba Belo ka komiu sabana yaku nadua.

Galatia 4:17

Tona ntanina ri situ nompasimbuku mpuu-mpuu mangala raramiu, tapi patujura ledo nabelo. Ira aga madota mompopogaa kita ala komiu mangoseaka ira ante raramiu mpuu-mpuu.

Galatia 4:20

Nalentora mpuu raraku mosanggani-nggani nte komiu sii-sii, ala raepemiu tesaku bo rasanimiu pombarasaiku, sabana nasudumo raraku nompekirika komiu!

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

Filipi 2:12

Jadi sampesuvu-sampesuvu nipotoveku, komiu nasaro nangoseaka pepatudukiku tempo yaku da nosanggani-nggani ante komiu. Jadi kuperapi komiu batena mangoseaka pepatudukiku, nemopa sii-sii kita nosinggavao. Alatala nompakasalama komiu bo nidekeiNa katuvu nabelo ka komiu. Jadi pasimbuku njuumo matuvu manoa, maeka mokainggu nadaa, sampe kaupuna katuvumiu nabelo haitu ledo makura nuapa-nuapa.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.