Galatia 4:15 - Kaili Ledo

¹⁵ Tempo haitu nasana mpuu raramiu nte yaku. Tapi nakuya sii-sii domo nasana raramiu nte yaku? Bara ipia nisaniku komiu mpuu-mpuu nasadia mantulungi yaku. Ane rapana mamala, nau matamiu mboto radekeimiu rasui ka yaku.

Galatia 4:15 ပူးပေါင်းရင်းမြစ်များ

Lukas 8:13

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Roma 10:2

Yaku nosabiki, ira mpuu-mpuu madota mompakadamba rara nu Alatala. Tapi ledo nisanira mpuu dala nakana mompakadamba raraNa.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

2 Korintus 8:3

Nikitaku mboto ira nodekei, ledo aga nangoseaka pompakulera, tapi nelabi lako ri pompakulera.

Galatia 3:14

Patuju i Kristus nombadekei karoNa rapatesi ivesia, ala tona ledo toYahudi mamala muni manggava belo nasimbayu ante belo nijanji nu Alatala ka i Abraham nggaulu. Belo haitu ratarimara sabana ira nosangu rara nte i Yesus Kristus. Ivesia muni kita anu nomparasaya i Kristus manggava Nosa Gasa anu nijanji nu Alatala nggaulu.

Galatia 4:14

Bo nau duaku haitu nompakasusa komiu, ledo ntoto narunggu raramiu bo ledo nipoaramiu yaku. Nitarimamiumo yaku, nitarimamiu mpo malaeka nu Alatala, atau mpo i Yesus Kristus mboto!

Galatia 4:16

Jadi, hitupa yaku nirekemiu balimiu sabana anu nakana nitesaku ka komiu?

Galatia 4:19

Yaku mpuu-mpuu nompotove komiu! Komiu mpo anaku mboto! Yaku nandasa nompekirika komiu, nasimbayu mpo mombine nandasa mpuu tempo noana. Bo yaku batena masusa ivesia sampe inggu-inggu i Kristus mpuu-mpuu malanto rakita riara nggatuvumiu.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Galatia 6:4

Aginapa simbo raparesana pokaingguna mboto ala rasanina bara nabelo pokaingguna bara ledo. Ane nabelo pokaingguna, mamala ia madamba mompekirika pokaingguna haitu. Ledo paraluu ia mompoposisala atau mompakasimbayu pokaingguna ante pokainggu ntona ntanina,

Kolose 4:13

Yaku mboto nanggita ia nokarajaa ante mpuu-mpuu rarana nantulungi komiu anu nonturo ri ngata Kolose bo tona nonturo ri ngata Laodikia bo ngata Hierapolis muni.

1 Tesalonika 2:8

Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

1 Tesalonika 5:13

Bilamo ira bo potovemo ira ante mpuu-mpuu raramiu, sabana ira mpuu-mpuu nokarajaa nantulungi komiu. Bo komiu kana matuvu mosinggabelo ante roamiu pura-pura.