Galatia 4:13 - Kaili Ledo

¹³ Nisanimiu mbotomo pamulana yaku nipaloga nompatolele Kareba Belo ka komiu sabana yaku nadua.

Galatia 4:13 ပူးပေါင်းရင်းမြစ်များ

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

1 Korintus 2:3

Jadi tempo yaku naria nte komiu, yaku nalente bo nolete naeka.

2 Korintus 10:10

Nisaniku naria tona nanguli ivei: “Riara sura-sura i Paulus tesana nalonto bo nasodo, tapi ane ia mboto naria nte kita, ingguna damo nanonto, bo tesana ledo ria gunana.”

2 Korintus 11:30

Suro mpodava nangoe karora mboto, jadi yaku muni mangoe karoku mboto. Tapi ane yaku kana mantoiya karoku mboto, aginamo kalenteku kutoiya.

2 Korintus 11:6

Naupa nakana yaku ledo napande notesa ri ngayo ntodea, ledo ivesia pangisaniku, apa nisaniku mpuu pepatuduki nakana. Haitu bate-batena nipopakita kami ka komiu riara mpengaya-ngaya pepatuduki bo pokainggu kami bara ipia.

2 Korintus 13:4

I Kristus nalente mami tempo Ia nipaku ri kayu salib sampe namate. Tapi Ia natuvu mpanjili sabana kuasa lako nte Alatala. Kami anu nosangu rara ante i Kristus, nalente muni nasimbayu mpo Ia bara ipia. Tapi kami natuvu ante kuasa nu Alatala, nasimbayu mpo i Kristus, bo ane mantingayo komiu ngena kami, rakitamiu kuasa nidekei nu Alatala ka kami.

Galatia 1:6

Nokumaa ntoto yaku nangepe komiu! Dopa nasae niparasayamiu Kareba Belo, nitubengosimiumo Alatala! NipokioNa komiu majadi todeaNa sabana kabelo rara i Kristus nte komiu. Tano komiu aga nangoseaka pepatuduki ntanina anu niuli ntona “kareba belo”.

Galatia 4:12

Sampesuvu-sampesuvuku, kuperapi ante mpuu-mpuu raraku ala rapasialamiu pokaingguku. Sabana naupa toYahudi yaku, domo nioseakaku ada-ada ntoYahudi, ala majadi masimbayu nte komiu tona ledo toYahudi. Komiu nabelo mpuu nte yaku bara ipia.

Galatia 4:14

Bo nau duaku haitu nompakasusa komiu, ledo ntoto narunggu raramiu bo ledo nipoaramiu yaku. Nitarimamiumo yaku, nitarimamiu mpo malaeka nu Alatala, atau mpo i Yesus Kristus mboto!

Galatia 4:18

Kakanana nabelo mompasimbuku ante mpuu-mpuu rara movia anu nabelo, asaa masaro ivesia, ledo aga tempo yaku nosanggani ante komiu!