Galatia 4:12 - Kaili Ledo

¹² Sampesuvu-sampesuvuku, kuperapi ante mpuu-mpuu raraku ala rapasialamiu pokaingguku. Sabana naupa toYahudi yaku, domo nioseakaku ada-ada ntoYahudi, ala majadi masimbayu nte komiu tona ledo toYahudi. Komiu nabelo mpuu nte yaku bara ipia.

Galatia 4:12 ပူးပေါင်းရင်းမြစ်များ

Suro-Suro 21:21

Niepera kareba anu nompakasala komiu. Niepera komiu nompatuduki pura-pura toYahudi anu nonturo ri ngata ntona ledo toYahudi, ala rakabasakara Atura-atura agama haitu. Niepera muni komiu nompatuduki domo paraluu ira mombasuna anara bo domo paraluu mantuntuni ada ntoYahudi.

2 Korintus 2:5

Ane tona anu novia dosa bara ipia, ia ledo nompakasusa raraku, tapi nompakasusa raramiu. Tapi ala tesaku ledo maliu gaga, aginapa kuuli ledo pura-pura komiu nipakasusana.

2 Korintus 6:11

Sampesuvu-sampesuvu ri Korintus, nitesa kami isi rara kami ka komiu. Ledo nitabuniaka kami pepotove kami ka komiu. Kami mpuu-mpuu nompotove komiu.

2 Korintus 6:13

Yaku notesa ka komiu mpo ka ana-anaku mboto: potovemo kami nasimbayu mpo pompotove kami komiu!

Galatia 2:14

Tapi nikitaku pokainggura haitu ledo nosinggambela ante pepatuduki nakana lako ri Kareba Belo. Haitu sampe nionteakaku i Petrus ri ngayora pura-pura ivei: “Komiu toYahudi, tapi komiu mboto nabiasa natuvu mpo tona ledo toYahudi, komiu domo paraluu mangoseaka ada ntoYahudi. Jadi rapokuya rapasuukamiu tona ledo toYahudi mangoseaka ada ntoYahudi?”

Galatia 4:11

Nakini mpuu raraku, nee-nee ledo maria gunana katiti nu iniku nompatuduki Kareba Belo ka komiu bara ipia!

Galatia 4:13

Nisanimiu mbotomo pamulana yaku nipaloga nompatolele Kareba Belo ka komiu sabana yaku nadua.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Galatia 6:18

Sampesuvu-sampesuvuku, kuperapi Tuputa Yesus Kristus bate-batena mabelo nte komiu. Amin. Tabe lako nte yaku, Paulus