Galatia 3:8 - Kaili Ledo

⁸ Lako ri lamba pamulana Alatala nonia ala tona ledo toYahudi majadi manoa ri panggitaNa sabana pomparasayara. Jadi kareba nabelo haitu nipopaisaniNa nokolu ka i Abraham, evamo nitulisi ri Buku Gasa ivei: “Pura-pura manusia ri dunia manggava belo lako nte Yaku sabana komiu.”

Galatia 3:8 ပူးပေါင်းရင်းမြစ်များ

Yohanes 19:37

Bo naria muni tesa ntanina riara Buku Gasa nanguli, “Ira mantingoa tona nitosura tavala.”

Yohanes 7:38

Isema-sema nomparasaya Yaku kana maria uve moili lako riara ntaina anu mombadekei katuvua nabelo, nangoseaka anu nitulisi riara Buku Gasa.”

Yohanes 7:42

Apa riara Buku Gasa nitulisi Magau Topepakasalama meumba lako ri muli Magau Daud, bo makava lako ri ngata Betlehem ngata nipompoanaka Magau Daud.”

Suro-Suro 2:35

sampe Kupopekou pura-pura baliMu nte Iko!’ ” Mazmur 110:1

Roma 9:17

Riara Buku Gasa nitulisi tesa nu Alatala ka Firaun, Magau ri tana Mesir nggaulu, ivei: <>

Roma 9:30

Jadi kambukuna ivei: Tona ledo toYahudi ledo nompasimbuku majadi manoa ri panggita nu Alatala. Tapi Alatala noreke ira nanoa sabana niparasayara Ia.

Galatia 3:16

Ivesia muni ante pojanji nu Alatala. Ia nombadekei pojanjiNa ka i Abraham bo mulina. Riara Buku Gasa ledo nitulisi belo haitu radekei “ka muli-mulimu”, batuana, ka muli dea i Abraham. Anu nitulisi, belo haitu radekei “ka mulimu”, batuana ka saito muli i Abraham, haitumo i Yesus Kristus.

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Galatia 4:30

Tapi berimba niuli riara Buku Gasa? “Popalaimo mombine anu najadi batua ante anana, sabana anana haitu ledo mamala manggava bagia lako ri kakalumana ntuamana mosanggani-nggani ante ana nipoanaka mombine anu ledo najadi batua.”

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”