Galatia 3:7 - Kaili Ledo

⁷ Jadi, kana rasanimiu, tona natuvu nomparasaya Alatala, iamo nireke muli i Abraham mpuu, sabana pomparasayana nasimbayu nte pomparasaya i Abraham.

Galatia 3:7 ပူးပေါင်းရင်းမြစ်များ

Lukas 19:9

Nangulimo i Yesus, “Eo hitu nipakasalamamo komiu sambanua, sabana komiu nomparasaya Alatala, nasimbayu mpo i Abraham totuamiu nggaulu nomparasaya Alatala.

Lukas 21:31

Ivesia muni ane rakitamiu pura-pura kajadia niuliku pangane, rasanimiu domo masae Alatala mpuu-mpuu momparenta mpo Magau.

Yohanes 8:39

Nesana ira ka i Yesus, “Tuama kami i Abraham.” Nanguli i Yesus, “Ane komiu mpuu-mpuu muli i Abraham, natantumo pokainggumiu mabelo, nasimbayu mpo pokainggu i Abraham.

Roma 4:24

tapi nipambela ka kita muni. Kita muni rareke nu Alatala manoa ane raparasayata Alatala, anu nompakatuvu mpanjili Tuputa i Yesus lako ri kamateNa.

Galatia 3:9

I Abraham nomparasaya bo Alatala nombadekei belo ka ia. Jadi ivesia muni pura-pura tona natuvu nomparasaya Alatala, radekeika belo muni nasimbayu ante belo nidekeiNa ka i Abraham.

Galatia 6:16

Kuperapi Alatala mombadekei belo bo katinonto ka tona natuvu nangoseaka pepatuduki hitu, bo muni ka pura-pura todea nu Alatala, nau toYahudi, nau tona ledo toYahudi.

Ibrani 13:23

Kana rasanimiu, sampesuvuta i Timotius nikabasakamo lako ri tarunggu. Ane masalisa ia tumai nte yaku, kukeni ia mosanggani-nggani nte yaku tou mosinggava nte komiu.