Galatia 3:29 - Kaili Ledo29 Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham. အခန်းကိုကြည့်ပါ။ |
Anu nipatujuku ivei: rapana maria saito ana ntona nakalumana. Ia nijagai ntona nipakatantu ntuamana, bo kakalumanana niurusi ntona nipakakuasaka sampe makava tempona nipakatantu ntuamana. Nau ia masipato mantarima pura-pura kakalumana ntuamana bara maipia, tempo ia da nangana, katuvuna nasimbayu ante katuvu nu batua, haitumo, katuvuna niurusi ntona ntanina.
Iveimo nia nipopaisaniNa: tona ledo toYahudi mantarima belo lako nte Alatala mosanggani-nggani ante toYahudi. Bo tona ledo toYahudi mosanggani-nggani nte toYahudi majadi sipa-sipa ri sangu karo, haitumo karo i Kristus. Bo ratarimara munimo pura-pura anu nijanji nu Alatala ka tona nosangu rara nte i Yesus Kristus. Pura-pura haitu ratarimara sabana niparasayara Kareba Belo.
Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.