Galatia 3:27 - Kaili Ledo

²⁷ Komiu pura-pura nidiu, tandana komiu topangoseaka i Kristus, bo nipasialamiumo inggu-inggu i Kristus.

Galatia 3:27 ပူးပေါင်းရင်းမြစ်များ

Lukas 15:22

Tapi tuamana nombaronde batua-batuana bo nituduna, ‘Koi ala masalisa baju nabelo bo popasuaka ia. Pasuaka muni sinji ri koya mpalena bo sapatu ri kadana.

Suro-Suro 16:15

Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 8:16

Apa Nosa Gasa nu Alatala dopa nanau mombakuasai ira. Ira aga nidiu, tandana ira nomparasaya i Pue Yesus.

Suro-Suro 9:18

Naupu i Ananias notesa haitu, kaliu-liu nanavu anu eva ruke bau lako ri mata i Saulus sampe nekita mpanjilimo ia. Naupu haitu, nembangumo i Saulus bo nidiu, tandana niparasayanamo i Yesus.

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

1 Korintus 10:2

Ira pura-pura nilenduti nu kulimu bo noliu rantasi, nangoseaka i Musa. Ivesia muni kita nidiu tandana kita topangoseaka i Yesus.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

Efesus 4:24

Komiu kana matuvu mpo manusia nabaru anu nipajadi nu Alatala nangoseaka ingguNa mboto anu nanoa bo mpuu-mpuu nagasa.

Kolose 3:10

bo nitarimatamo katuvu nabaru. Kita nipajadi nu Alatala manusia nabaru bo Ia bate-batena nombabaliki ingguta majadi masimbayu nte ingguNa mboto. PatujuNa ala kita mpuu-mpuu mosisani belo ante Ia.

1 Petrus 3:21

Uve oge haitu nirapaka ada pediu anu nompakasalama kita sii-sii. Ada pediu haitu ledo ada pompegasa tapa lako ri karota, tapi tandana kita topangoseaka i Yesus. Ada haitu nireke pojanjita nte Alatala ala kita mangoseaka Ia sabana niampungiNa dosata. Bo niampungiNa mpuu dosata sabana i Yesus natuvu mpanjili lako ri kamateNa.