Galatia 3:24 - Kaili Ledo

²⁴ Jadi Atura agama haitu nirapaka topopaa ngana anu nombajagai kita sampe makava i Yesus Kristus, ala kita majadi manoa ri panggita nu Alatala sabana pomparasayata i Kristus.

Galatia 3:24 ပူးပေါင်းရင်းမြစ်များ

Roma 10:4

Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Roma 9:30

Jadi kambukuna ivei: Tona ledo toYahudi ledo nompasimbuku majadi manoa ri panggita nu Alatala. Tapi Alatala noreke ira nanoa sabana niparasayara Ia.

1 Korintus 4:15

Apa nau nonjobu-njobu guru nompatuduki komiu mangoseaka i Kristus, ledo naria najadi tuamamiu. Aga yakumo najadi mpo tuamamiu sabana yaku anu paratama nanggeni Kareba Belo ka komiu bara ipia.

Galatia 2:16

Tapi nau ivesia, nisani kami manusia nireke nanoa ri panggita nu Alatala ledo sabana nangoseaka Atura-atura agama, tapi sabana pomparasayara i Yesus Kristus. Jadi kami mboto nomparasaya i Yesus Kristus ala majadi manoa ri panggita nu Alatala. Kami najadi nanoa sabana pomparasaya kami i Kristus, ledo sabana nangoseaka Atura-atura agama! Apa ledo ria saitoa majadi manoa ri panggita nu Alatala sabana pangoseakana Atura-atura agama.

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 3:25

Sii-sii nakavamo i Yesus bo manusia namala nomparasaya Ia ala majadi manoa ri panggita nu Alatala. Jadi kita domo paraluu matundu nte Atura agama.

Kolose 2:17

sabana atura-atura bo ada-ada ivehaitu aga nojalili anu belo makava nggapurina. Tapi anu nakava bo anu nijalili haitu, iamo i Kristus.