Galatia 3:22 - Kaili Ledo

²² Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Galatia 3:22 ပူးပေါင်းရင်းမြစ်များ

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 6:40

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Suro-Suro 16:31

Nesana i Paulus bo i Silas, “Parasayamo i Pue Yesus Kristus, bo komiu sambanua rapakasalama.”

Roma 10:9

Ane kita mompangaku ante sumbata, <> bo ane kita momparasaya riara ntaita Alatala nompakatuvu mpanjili Ia lako ri kamateNa, kita rapakasalama.

Roma 11:32

Alatala nompakalanto pura-pura manusia nesapuaka bo masipato rahuku, ala Ia mamala mompoasi bo mombaampungi pura-pura manusia.

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

Roma 3:23

Pura-pura manusia nadosa bo ledo masipato manggava bagia ri kaoge nu Alatala.

Roma 5:12

Dosa neumba ri dunia sabana saito manusia nombaliunaka parenta nu Alatala, haitumo i Adam. Bo lako ri dosa i Adam haitu sampe naria kamatea ri dunia. Ivesiamo pura-pura manusia kana mamate apa pura-pura manusia novia dosa.

Galatia 3:14

Patuju i Kristus nombadekei karoNa rapatesi ivesia, ala tona ledo toYahudi mamala muni manggava belo nasimbayu ante belo nijanji nu Alatala ka i Abraham nggaulu. Belo haitu ratarimara sabana ira nosangu rara nte i Yesus Kristus. Ivesia muni kita anu nomparasaya i Kristus manggava Nosa Gasa anu nijanji nu Alatala nggaulu.

Galatia 3:17

Patujuku ivei: Pojanji nu Alatala ante i Abraham nipakaasa nu Alatala mboto. Pata-atu talupulu mpae kaliuna haitu, Alatala nombadekei Atura agama anu nipapola Nabi Musa. Atura-atura agama haitu ledo namala mombabaliki pojanji nokolu sampe pojanji haitu domo madupa. Pojanji nu Alatala kana madupa pura.

Galatia 3:23

Bara ipia, dopame kita nomparasaya i Yesus, kita da natundu nte Atura agama. Kita nirapaka tona nitarunggu apa kita nipou Atura agama sampe makava tempona Alatala mompopaisani i Kristus ka kita, bo raparasayata Ia.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

2 Petrus 1:4

Ivesia muni Alatala nombadekei ka kita pedekei-pedekei nijanjiNa, anu nabelo mpuu bo nelabi noguna. Ane rapaketa pedekei-pedekei haitu, domo raoseakata dota rarata nadaa ri dunia hitu anu nompakagero katuvu manusia, bo rapakuleta mompasiala inggu nu Alatala mboto.

2 Petrus 3:13

Tapi kita mompopea anu nijanji nu Alatala, haitumo langi nabaru bo tana nabaru, raponturo ntona nanoa.

1 Yohanes 2:25

Hitumo nijanjiNa ka kita: Kita matuvu mabelo sampe ri kasae-saena.