Galatia 3:21 - Kaili Ledo

²¹ Jadi nuapa batuana? Atura agama nositaliku ante pojanji nu Alatala? Tantu ledo. Ane rapana rapakuleta mangoseaka Atura agama sampe rakavata katuvua nabelo, tantu haitumo majadi dalata mompakanoa karota mboto ri panggita nu Alatala.

Galatia 3:21 ပူးပေါင်းရင်းမြစ်များ

Lukas 20:16

Natantu rapatesina pura-pura ira, bo radekeina taluana ka tona ntanina mojampangina.” Topangepe porapa haitu nanguli ka i Yesus, “Nee mpuu sampe majadi ivehaitu!”

Roma 3:31

Jadi, kita nireke nanoa sabana pomparasayata i Yesus. Tapi nee rapekirimiu Atura agama ledo noguna. Ledo ntoto nakana! Kakanana, lako ri pomparasayata haitu kita nompakaoge Atura agama.

Roma 3:4

Natantu rapakadupaNa, sabana nau pura-pura tona nodava, Alatala batena nanoa. Apa nitulisi riara Buku Gasa ivei: <> Mazmur 51:6

Roma 3:6

Tapi panggava haitu ledo nakana! Ane rapana Alatala ledo nanoa, tantu Ia ledo mamala mombatangara pura-pura manusia.

Roma 9:31

Tapi toIsrael nasaemo nompasimbuku mangoseaka atura-atura ala ira rareke manoa ri panggita nu Alatala. Tapi ira ledo najadi nanoa.

2 Korintus 3:7

Atura-atura anu nanggeni kamatea niuki nu Alatala ri sampeka vatu bo nidekei ka Nabi Musa. Tempo haitu reme lako ri kaoge nu Alatala nikita bo nompopenggila lenje i Musa sampe toIsrael ledo nompakule nangganotona naupa reme haitu nompamulamo nalipo. Jadi ane ivehaitu kaoge nu Alatala nikita tempo Atura-atura anu nanggeni kamatea nidekei ka Nabi Musa,

Galatia 2:17

Jadi, ane kami toYahudi manjarumaka majadi manoa ri panggita nu Alatala lako ri posangu rara kami ante i Yesus Kristus, batuana kami domo nanjarumaka Atura agama. Bo ane kami domo nanjarumaka Atura agama, batuana kami najadi nasimbayu mpo tona ledo toYahudi anu niuli nadosa sabana ledo nioseakara Atura agama. Jadi berimbamo? Mamala raulita i Kristus nanggeni kami majadi nadosa? Natantu ledo!

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 2:21

Yaku ledo nompoara kabelo rara nu Alatala haitu. Apa ane rapana kita mamala majadi manoa ri panggita nu Alatala ante mangoseaka Atura agama, tantumo kamate i Yesus Kristus ledo maria gunana!

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Ibrani 7:18

Jadi sii-sii Atura-atura agama nokolu nisambei nu Alatala sabana ledo ria kuasana bo ledo ria gunana.

Ibrani 7:19

Batuana, Atura-atura agama ledo ntoto nompakule manggeni tona majadi manoa ri panggita nu Alatala. Tapi sii-sii naria sangaya dala nabelopa nipopaisani ka kita. Ane raoseakata dala hitu kita mamala mosisani belo nte Alatala.