Galatia 3:19 - Kaili Ledo

¹⁹ Jadi ane ivesia, nuapa tano patuju nu Atura agama? Alatala nombadekei Atura-atura agama naliutaka pojanjiNa ka i Abraham, ala malanto ka kita, manusia nadosa nombaliunaka dotaNa. PatujuNa ala Atura haitu rapake sampe kakava nu Muli i Abraham anu niboto riara pojanijiNa nte i Abraham nggaulu, haitumo i Yesus Kristus. Alatala nombatudu malaeka-malaekaNa manggeni Atura agama ka i Musa anu najadi topotariolo nompapola Atura haitu ka manusia.

Galatia 3:19 ပူးပေါင်းရင်းမြစ်များ

Lukas 16:31

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Suro-Suro 7:38

I Musa muni naria nosanggani-nggani nte todea toIsrael ri karava bai, bo i Musamo mai najadi topetariolo ntotuata ante malaeka anu notesa ka ia ri Bulu Sinai. I Musamo mai nantarima tesa natuvu lako nte Alatala bo nipapolana ka kita.

Suro-Suro 7:53

Komiumo nantarima Atura-atura nu Alatala anu nidekei nu malaeka-malaeka ka totuata nggaulu, tapi ledo nipokonomiu nangoseakana!”

Roma 2:13

Apa ledo topangepe Atura agama nanoa ri panggita nu Alatala, tapi topangoseaka Atura haitu nireke nu Alatala nanoa.

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Galatia 3:16

Ivesia muni ante pojanji nu Alatala. Ia nombadekei pojanjiNa ka i Abraham bo mulina. Riara Buku Gasa ledo nitulisi belo haitu radekei “ka muli-mulimu”, batuana, ka muli dea i Abraham. Anu nitulisi, belo haitu radekei “ka mulimu”, batuana ka saito muli i Abraham, haitumo i Yesus Kristus.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

Ibrani 2:5

Ledo malaeka-malaeka nanggava kuasa lako nte Alatala moparenta ri dunia nabaru bara maipia, haitumo dunia nitesata ri sii.