Galatia 3:17 - Kaili Ledo

¹⁷ Patujuku ivei: Pojanji nu Alatala ante i Abraham nipakaasa nu Alatala mboto. Pata-atu talupulu mpae kaliuna haitu, Alatala nombadekei Atura agama anu nipapola Nabi Musa. Atura-atura agama haitu ledo namala mombabaliki pojanji nokolu sampe pojanji haitu domo madupa. Pojanji nu Alatala kana madupa pura.

Galatia 3:17 ပူးပေါင်းရင်းမြစ်များ

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Suro-Suro 7:6

Tapi iveimo tesa niuli nu Alatala ka i Abraham, ‘Mulimu monturo mpo topesovo ri ngata ntona. Tupu ngata haitu mompobatua ira, bo mompandasa ira pataatu mpae kasaena.

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

Roma 3:3

Sanu toYahudi ledo naroo nomparasaya pojanji nu Alatala. Tapi nau ivesia, nee rasarumakamiu Alatala ledo mompakadupa pojanjiNa.

1 Korintus 1:12

Batuana, sanu komiu nanguli, “Yaku hii topangoseaka i Paulus.” Naria sanu nanguli, “Yaku hii topangoseaka i Apolos.” Naria ntanina nanguli, “Yaku hii topangoseaka i Petrus.” Naria muni ntanina nanguli, “Yaku hii topangoseaka i Kristus.”

1 Korintus 1:17

Yaku ledo nitudu i Kristus mombadiu tona, tapi mompatolele Kareba Belo. Bo ane nompatolele Kareba haitu, yaku ledo notesa nangoseaka kapande nu manusia, mbelaka maria tona aga momparasaya sabana kapandeku motesa bo ledo rasanira mpuu kuasa i Kristus mompakasalama ira ante kamateNa ri kayu salib.

1 Korintus 10:19

Jadi nuapa patuju ntesaku hitu? Panguliku nakana tupu-tupu ntanina haitu? Naria gunana kandea nipakandeka tupu-tupu ntanina? Natantu ledo!

1 Korintus 7:29

Sampesuvu-sampesuvuku, patujuku ivei: kita topomparasaya kana mantora tempota domo masae. Jadi nompamula sii-sii tona nobereimo nee aga mompekirika bereina.

2 Korintus 1:20

Apa pura-pura pojanji nu Alatala nipakadupa riara nggatuvu i Kristus. Haitu sampe kita anu nosangu rara ante i Kristus namala nanguli, “Amin! Nakana mpuu pojanji-pojanji nu Alatala!” Bo haitu najadi ala Alatala rabila bo ratoiya.

2 Korintus 9:6

Pariaramo tesaku hitu: tona nosavu sakide, sakide muni rasombena. Bo tona nosavu nadea kana madea muni rasombena.

Galatia 3:15

Sampesuvu-sampesuvuku, kuala jonjo lako ri katuvuta eo-eo. Ane kita movia sura pojanji bo sura haitu nipakaasa nangoseaka ada nu pomarenta, isi nu sura haitu domo namala rapakalipo ntona atau ratambaiki isina.

Galatia 3:21

Jadi nuapa batuana? Atura agama nositaliku ante pojanji nu Alatala? Tantu ledo. Ane rapana rapakuleta mangoseaka Atura agama sampe rakavata katuvua nabelo, tantu haitumo majadi dalata mompakanoa karota mboto ri panggita nu Alatala.

Galatia 5:16

Patujuku ivei: komiu kana matuvu mangoseaka dota Nosa Gasa nu Alatala ala komiu ledo matuvu mangoseaka dota raramiu nadaa.

Galatia 5:4

Ane komiu mompasimbuku majadi manoa ri panggita nu Alatala ante mangoseaka Atura agama, komiu nopudusi posangu raramiu nte i Kristus. Komiu notubengosi kabelo rara nu Alatala.

Efesus 2:12

Bara ipia, dopa nisanimiu i Kristus. Komiu mpo tosangatana apa komiu ledo nosamporoa nte toYahudi anu nipelisi nu Alatala majadi todeaNa. Komiu ledo nanggava bagia riara pojanji nu Alatala ka todeaNa. Komiu aga natuvu bayangi riara dunia hitu bo ledo nisanimiu Alatala, bo ledo ria panjarumakamiu nuapa-nuapa.

Efesus 4:17

Jadi sampesuvu-sampesuvu, ante kuasa nidekei nTupu ka yaku, kuuli ka komiu, tumo matuvu mpo tona ledo nosisani ante Alatala! Ira aga nompekirika anu ledo ria gunana,

Kolose 2:4

Patuju ntesaku hitu ala komiu ledo rabagiu ntona ante tesa-tesara anu mompakaluu raramiu.

Ibrani 11:13

Ira pura-pura pangane batena nomparasaya sampe namate, nau ledo nitarimara mboto anu nijanji nu Alatala. Namala raulita nikitara nggavao kadupana. Nisanira kadupana da masaepa, tapi naupa ivesia nadamba rarara bo ledo nonggai rarara nantongoraka kadupana pojanji nu Alatala. Niulira dunia hitu ledo ponturora nakana, ira aga topesovo bo topanjayo ri dunia hitu.

Ibrani 7:18

Jadi sii-sii Atura-atura agama nokolu nisambei nu Alatala sabana ledo ria kuasana bo ledo ria gunana.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.