Galatia 2:8 - Kaili Ledo

⁸ Alatala nombadekei pompakule ka i Petrus majadi suro ka toYahudi, bo Ia muni nombadekei pompakule ka yaku majadi suro ka tona ledo toYahudi.

Galatia 2:8 ပူးပေါင်းရင်းမြစ်များ

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 15:12

Naupu i Petrus notesa ivesia, pura-pura tona nasiromu ri sia nalinomo bo nompetalingai i Barnabas bo i Paulus nombasili tesa kabaraka-kabaraka bo tanda-tanda anu nipokumaaka nipoviara nte kuasa nu Alatala tempo ira naria ri ngata ntona ledo toYahudi.

Suro-Suro 19:26

Sii-sii nikitamiu bo niepemiu mbotomo anu nipovia i Paulus! Ia nanguli ka todea, pinoito-pinoito nu viata nipovia mpale manusia, ledo viata mpuu. Bo nadeamo tona nomparasaya pepatudukina haitu, ledo aga ri ngata Efesus hitu, tapi ri pura-pura propinsi Asia muni!

Suro-Suro 21:19

Naupu i Paulus netabe, nitesana ka iramo pura-pura anu nipovia nu Alatala ri tatanga ntona ledo toYahudi tempo ia nompatolele Kareba Belo.

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Suro-Suro 4:4

Tapi topangepe pepatuduki nu suro-suro pangane, nadeamo nomparasaya i Yesus. Jadi kadea ntopomparasaya i Yesus nantambai sampe nitasere lima-njobu tonana.

Suro-Suro 8:17

Jadi, i Petrus bo i Yohanes nombadika palera ri balengga ntoSamaria haitu bo Nosa Gasa nanau nte ira mpuu.

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 9:2

Nau ri panggita ntona ntanina yaku ledo nireke suro i Pue Yesus, natantu kana rarekemiumo yaku suroNa mami! Pomparasayamiu i Pue Yesusmo nompakalanto yaku hii mpuu-mpuu suroNa.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

1 Tesalonika 2:13

Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.