Galatia 2:20 - Kaili Ledo

²⁰ Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Galatia 2:20 ပူးပေါင်းရင်းမြစ်များ

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

Yohanes 6:57

TuamaKu anu nantudu Yaku, Iamo puna katuvua nabelo, bo katuvuKu nopuna lako nte Ia. Ivesia muni tona anu mangande isi karoKu, katuvuna mopuna lako nte Yaku.

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Roma 1:17

Kareba Belo nompopaisani dala ka kita majadi manoa ri panggita nu Alatala, haitumo momparasaya i Yesus. Ledo ria dala ntanina, aga momparasaya lako ri pantepuuna sampe ri kaupuna. Apa nitulisi ri Buku Gasa ivei: <>

Roma 14:7

Kita topomparasaya natuvu ledo aga nompakadamba karota mboto. Bo kita namate ledo aga nangoseaka dotata mboto.

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

Roma 4:25

I Yesus nidekei nu Alatala rapatesi mombasompo dosata bo naupu haitu Ia nipatuvu mpanjili ala kita mamala majadi manoa ri panggita nu Alatala.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Roma 5:6

Iveimo tove nu Alatala ka kita: ri tempo nipakatantu nu Alatala, tempo kita ledo nompakule mangoseaka dotaNa, i Kristus namate nanjambei kita anu ledo natundu nte Alatala.

Roma 5:8

Tapi ledo ivesia tove nu Alatala. Alatala nompopakita kambaso nu toveNa ka kita tempo kita da nadosa. Apa tempo kita da nadosa, i Kristus namate manjambei kita.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

Roma 6:8

Jadi ane kita mpuu-mpuu nireke namate nosanggani-nggani ante i Kristus, niparasayata kita matuvu mosanggani-nggani ante Ia.

Roma 8:10

Tapi ane i Kristus mpuu-mpuu nonturo riara ntaita, nau karota mamate sabana dosa, Nosa Gasa nombadekei katuvua mabelo sampe ri kasae-saena sabana kita najadi nanoa ri panggita nu Alatala.

Roma 8:37

Tapi nau bara nuapa-nuapa majadi nte kita, kita mpuu-mpuu padagi ante petulungi i Kristus anu nompotove kita!

1 Korintus 6:17

Tapi isema-sema nomparasaya i Pue Yesus, najadi nosangu rara nte Ia.

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

2 Korintus 10:3

Kami aga manusia biasa, tapi ane kami nangeva pepatuduki anu ledo nakana, kami ledo nangeva mpo manusia biasa anu ledo nosisani nte Alatala.

2 Korintus 11:10

Ledo ria saitoa ri propinsi Akhaya mamala nombatagi yaku mantoiya pokaingguku haitu! Pepatuduki i Kristus anu naria riara ntaiku nakana. Ivesia muni tesaku hitu nakana!

2 Korintus 13:3

Niperapimiu tandana yaku mpuu-mpuu niposuro i Kristus. Jadi ane kuhuku tona novia dosa rasanimiumo yaku mpuu-mpuu niposumba i Kristus! Sabana ane Ia mangonteaka komiu Ia ledo malente, tapi Ia mpuu-mpuu makuasa.

2 Korintus 13:5

Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.

2 Korintus 5:14

Tove i Kristus nombakuasai kami sampe kami nokainggu ivesia. Apa niparasaya kami, saito tona namate nanjambei kita pura-pura, jadi nasimbayu mpo kita pura-pura namate.

2 Korintus 5:15

Bo i Kristus mpuu-mpuu namate nanjambei kita pura-pura. Patuju nu kamateNa haitu ala kita anu da natuvu ri dunia hitu domo matuvu mangoseaka dotata mboto, tapi dota i Kristus anu namate bo natuvu mpanjili ala manggeni belo ka kita.

2 Korintus 5:7

Apa kita natuvu ri dunia hitu lako ri pomparasayata ledo lako ri anu nikitata.

Galatia 1:4

I Yesus nombadekei karoNa rapatesi mombasompo dosata nangoseaka dota nTuamata Alatala. PatujuNa ala Ia mamala mombakabasaka kita lako ri kuasa nu dunia nadaa.

Galatia 2:16

Tapi nau ivesia, nisani kami manusia nireke nanoa ri panggita nu Alatala ledo sabana nangoseaka Atura-atura agama, tapi sabana pomparasayara i Yesus Kristus. Jadi kami mboto nomparasaya i Yesus Kristus ala majadi manoa ri panggita nu Alatala. Kami najadi nanoa sabana pomparasaya kami i Kristus, ledo sabana nangoseaka Atura-atura agama! Apa ledo ria saitoa majadi manoa ri panggita nu Alatala sabana pangoseakana Atura-atura agama.

Galatia 3:11

Nalanto mpuu ledo ria tona nireke nu Alatala nanoa lako ri pangoseakana Atura agama, apa naria tesa ntanina ri Buku Gasa nanguli ivei: “Tona najadi nanoa ri panggita nu Alatala sabana pomparasayana, iamo matuvu mabelo.”

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Efesus 5:25

Langgai, potovemo bereimiu mombine nasimbayu mpo i Kristus nompotove todea topomparasaya bo nombadekei karoNa rapatesi ala mompakasalama kita todea topomparasaya.

Filipi 1:21

Apa, ane yaku matuvu, patujuku mompakaoge i Kristus, bo ane yaku mamate, nelabi belona ka yaku!

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

1 Tesalonika 5:10

Ia namate nombatolosi kita ala tempo Ia makava mpanjili, nau kita da natuvu atau namatemo, kita matuvu mosanggani-nggani ante Ia.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Ibrani 8:3

Pura-pura Pakeni nTopanggeni Pesomba nianggataka ala manggeni pedekei bo pesomba ka Alatala. Jadi i Yesus muni paraluu maria pesomba rakeniNa ka Alatala.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.