Galatia 2:15 - Kaili Ledo

¹⁵ Sampesuvu-sampesuvu, kami toYahudi mami lako ri pompoanaka kami, kami ledo mpo tona ledo toYahudi anu niuli nadosa sabana ledo nioseakara atura agama.

Galatia 2:15 ပူးပေါင်းရင်းမြစ်များ

Matius 9:11

Sampanggita haitu, nangulimo bara sako-ndua toFarisi ka anaguru i Yesus, “Nakuya gurumiu nangande nosanggani-nggani ante topesingara balasitee bo tona nadosa?”

Lukas 24:7

NiuliNa, ‘Yaku, Ana nu Manusia, kana radekei ka tona nadosa, bo mamate rapaku ri kayu salib, tapi ri eo katataluna Yaku matuvu mpanjili.’ ”

Suro-Suro 22:21

Tapi nanguli vaimo i Pue ka yaku, ‘Koimo. Yaku nantudu iko hau ri ngata-ngata nakavao, nte tona ledo toYahudi.’ ”

Roma 3:9

Jadi, ri panggita nu Alatala, ledo nabelopa kita toYahudi pade tona ntanina. Apa, evamo niuliku pangane, pura-pura manusia nikuasai nu dota rara novia dosa, toYahudi bo tona ledo toYahudi.

Roma 4:16

Jadi kita mantarima anu nijanji nu Alatala sabana pomparasayata nggoo, ala malanto anu nidekeiNa haitu nidekeiNa bayangi lako ri kabelo nu raraNa. Jadi, anu nijanji nu Alatala nambela ka pura-pura muli i Abraham, ledo aga ka toYahudi anu nompasimbuku nangoseaka Atura agama, tapi isema-sema nanjarumaka Alatala nasimbayu mpo i Abraham nanjarumaka Alatala. Apa i Abraham rapotuamata mpasinggani, haitumo, ia najadi jonjo pomparasaya ka kita pura-pura.

Galatia 2:17

Jadi, ane kami toYahudi manjarumaka majadi manoa ri panggita nu Alatala lako ri posangu rara kami ante i Yesus Kristus, batuana kami domo nanjarumaka Atura agama. Bo ane kami domo nanjarumaka Atura agama, batuana kami najadi nasimbayu mpo tona ledo toYahudi anu niuli nadosa sabana ledo nioseakara Atura agama. Jadi berimbamo? Mamala raulita i Kristus nanggeni kami majadi nadosa? Natantu ledo!

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Filipi 3:4

Ane rapana kita mamala majadi manoa ri panggita nu Alatala sabana pompasimbukuta mboto atau tonuapa kita, yakumo hii mamalapa mangoe. Ane maria tona nompekiri ia mamala mangoe ka pompasimbukuna mboto atau tonuapa ia, nelabipa yaku!

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.