Galatia 2:1 - Kaili Ledo

¹ Naliu sapulu pata-mpae, sangganipa vai yaku hau ri ngata Yerusalem nosanggani ante i Barnabas. Bo nikeniku muni i Titus.

Galatia 2:1 ပူးပေါင်းရင်းမြစ်များ

Suro-Suro 11:25

Naupu haitu i Barnabas hau ri ngata Tarsus mangelo i Saulus.

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 12:25

Naupu i Barnabas bo i Saulus nanggeni pedekei ntoAntiokhia ka pakeni-pakeni ntopomparasaya ri ngata Yerusalem, nanjilimo ira hau ri ngata Antiokhia. Nikenira i Yohanes-Markus mosanggani-nggani nte ira.

Suro-Suro 13:2

Naria saeo, todea topomparasaya pura-pura nosambaya bo nombatoiya Alatala bo nopuasa. Nosa Gasa nu Alatala nanguli ka ira, “Pelisi bo patani ka Yakumo i Barnabas bo i Saulus mantui pokarajaa nipakatantuKu ka ira.”

Suro-Suro 13:50

Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.

Suro-Suro 14:12

I Barnabas niulira viata nosanga i Zeus, bo i Paulus niulira viata nosanga i Hermes, apa iamo topotesa.

Suro-Suro 15:25

Haitumo sabana kami nolibu ri sii bo kami pura-pura nasintuvu nompelisi bara sako-ndua tona, bo nombatudu ira tou nte komiu mompasimbayu asele polibu kami. Ira tou singgani-nggani ante sampesuvuta i Barnabas bo i Paulus anu nipotove kami.

1 Korintus 9:6

Atau nisarumakamiu aga yaku bo i Barnabas kana mokarajaa ante pale kami mboto mompaelo? Ledo masipato kami muni ratande ntodea topomparasaya?

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

2 Korintus 8:23

I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

Galatia 1:18

Naliu talu-mpae pade hau ri ngata Yerusalem mosinggava nte i Petrus. Yaku nonturo nte ia aga sapulu lima-mbongi kasaena.

Galatia 2:13

Bo topomparasaya ntoYahudi ntanina nompasiala pokainggu i Petrus muni nau nisanira ledo masipato. Sampe nau i Barnabas mboto natekeni nangoseaka pokainggura haitu.

Galatia 2:3

Tano ira nasituju nte pepatudukiku. Haitu nisaniku sabana i Titus, toYunani anu nosanggani ante yaku hamai, ledo nipasuura rasuna.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.