Galatia 1:8 - Kaili Ledo

⁸ Tapi kuuli ka komiu, nau kami mboto atau malaeka lako ri suruga, isema-sema mompatolele kareba belo anu nosisala ante Kareba Belo nipatolele kami ka komiu bara ipia, tona haitu rapopogaa lako nte Alatala sampe ri kasae-saena.

Galatia 1:8 ပူးပေါင်းရင်းမြစ်များ

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Markus 14:71

Tapi nopinda-pindamo i Petrus. Ia nosumpa bo nanguli, <>

Suro-Suro 23:14

Hau ira ri ngayo balengga-balengga ntopanggeni pesomba bo totua-totua ntoYahudi bo nanguli, “Kami hii nosumpa puramo, kami dopa mangande dopa manginu, ane dopa rapatesi kami i Paulus!

Roma 16:17

Sampesuvu-sampesuvuku, kuperapi ante mpuu-mpuu ala komiu mainga nte tona anu nompoposibali todea topomparasaya bo madota mompakanavu komiu ante pepatuduki anu nangeva pepatuduki nakana nipatuduki ka komiu. Tumo mosimporoa ante tona ivehaitu!

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.

1 Korintus 12:3

Haitu sampe kuuli ka komiu, komiu kana mompoposisala anu nadaa bo anu nabelo. Ane tona nikeniaka Nosa Gasa nu Alatala, ledo raulina, “Nasurukavumo i Yesus.” Bo ivesia muni ledo rapakule ntona mompangaku, “I Yesus, Iamo Tupu” ane tona haitu ledo nikeniaka Nosa Gasa nu Alatala.

1 Korintus 16:22

Isema-sema ledo nompotove i Pue Yesus, masurukavumo ia! Maranata! Tupu kami, kakavamo!

Galatia 1:9

Tempo kami da naria nte komiu bara ipia, niuli kami mami ivesia, bo sii-sii kuuli vai sangganipa, ane maria tona mompatolele pepatuduki anu nosisala ante Kareba Belo nitarimamiumo, tona haitu rapopogaa lako nte Alatala sampe ri kasae-saena.

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

Titus 3:10

Ane maria tona nompoposibali todea topomparasaya, kana musalaraka ia sanggani, bara ronggani. Ane rongganimo ia nisalarakamu bo ledo nepangala, tumo mosimporoa nte ia.

2 Petrus 2:14

Ira bate-batena naino mompogau sambara mombine nikitara. Ledo nabasa-basa ira novia dosa! Ira nombaopa tona ledo naroso pomparasayana ala movia dosa. Bo najadi kabiasara nario mata ante ledo ria kabasa-basana. Ira mpuu-mpuu tona nasurukavu!