Galatia 1:5 - Kaili Ledo

⁵ Alatala masipato rabila bo ratoiya sampe ri kasae-saena. Amin.

Galatia 1:5 ပူးပေါင်းရင်းမြစ်များ

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

Roma 16:27

Iamo Alatala anu nangisani pura-pura! Ledo ria simbayuNa! Ia masipato ratoiyata sampe ri kasae-saena ante petulungi i Yesus Kristus. Amin.

1 Korintus 8:13

Jadi, sampesuvu-sampesuvu, ane kandea anu nikandeku mompakagero pomparasaya nu sampesuvuku, domo kukande kandea haitu ala nee yaku mompakagero pomparasayana.

Efesus 1:12

Haitu sampe kami toYahudi anu nokolu nanjarumaka i Kristus masipato mantoiya Alatala sabana kaogeNa anu nipokumaaka!

Filipi 4:20

Jadi ratoiyata Tuamata Alatala sampe ri kasae-saena. Amin!

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

2 Timotius 4:18

Bo niparasayaku i Pue bate-batena mombakabasaka yaku lako ri pura-pura anu nadaa bo manggeni yaku ante masalama mesua ri PoparentaNa ri suruga. Ia masipato rabila bo ratoiya sampe ri kasae-saena! Amin.

1 Petrus 5:11

Iamo nakuasa sampe ri kasae-saena. Amin!

2 Petrus 3:18

Tapi komiu kana mantambai mosisani belo ante Tuputa Yesus Kristus, Topepakasalama, bo mantambai mombarasai kabelo raraNa riara nggatuvumiu. Iamo masipato ratoiyata bo rabilata, sii-sii bo sampe ri kasae-saena. Amin. Tabe lako nte yaku, Petrus

Yudas 1:25

Aga Ia saito-itoNa Alatala. Iamo nompakasalama kita sabana anu nipovia nTuputa Yesus Kristus. Jadi ratoiyatamo Ia, apa Iamo Alatala anu nelabi kaogeNa, Magau nipokumaaka. Iamo nabaraka bo nakuasa lako ri lamba pamulana, sampe sii-sii, bo sampe ri kasae-saena! Amin! Tabe lako nte yaku, Yudas

Pompakita 14:7

Notesamo ia ante suara namangga, “Bilamo Alatala, bo tesamo kaogeNa! Apa nakavamo tempona Alatala mombatangara manusia! Petupumo nte Alatala anu nompajadi langi, tana bo tasi bo pura-pura mata nu uve!”

Pompakita 5:12

Bo nodademo ira ante suara namangga ivei: “Ana Bimba anu nipatesi nggaulu, masipato ratesata kuasaNa bo kakalumanaNa, notoNa bo kabarakaNa. Iamo masipato rabila bo ratoiya bo rapakaoge.”

Pompakita 7:12

Niulira, “Amin! Ratoiyata Tuputa Alatala! Rapakaogeta Ia! Ratesata kanotoNa, raulita tarima kasi ka Ia. Rabilata Ia bo ratesata kuasaNa bo kabarakaNa sampe ri kasae-saena. Amin!”