Galatia 1:18 - Kaili Ledo

¹⁸ Naliu talu-mpae pade hau ri ngata Yerusalem mosinggava nte i Petrus. Yaku nonturo nte ia aga sapulu lima-mbongi kasaena.

Galatia 1:18 ပူးပေါင်းရင်းမြစ်များ

Yohanes 1:42

Bo nikeninamo i Simon hau nte i Yesus. Tempo ira nakava hamai, nikita i Yesusmo i Simon bo niuliNa, “Iko Simon ana i Yohanes. Tapi nompamula sii-sii sangamu i Kefas.” (Kefas nasimbayu batuana ante Petrus, batuana, “vatu”.)

Galatia 2:11

Tempo i Petrus nakava ri ngata Antiokhia bara ipia, nionteakaku nggamata-mata ia sabana pokaingguna hamai mpuu-mpuu nasala.

Galatia 2:14

Tapi nikitaku pokainggura haitu ledo nosinggambela ante pepatuduki nakana lako ri Kareba Belo. Haitu sampe nionteakaku i Petrus ri ngayora pura-pura ivei: “Komiu toYahudi, tapi komiu mboto nabiasa natuvu mpo tona ledo toYahudi, komiu domo paraluu mangoseaka ada ntoYahudi. Jadi rapokuya rapasuukamiu tona ledo toYahudi mangoseaka ada ntoYahudi?”

Galatia 2:7

Tapi nisaniramo yaku niparasaya nu Alatala manggeni Kareba Belo ka tona ledo toYahudi, nasimbayu mpo i Petrus niparasaya nu Alatala manggeni Kareba Belo ka toYahudi.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.