Galatia 1:14 - Kaili Ledo

¹⁴ Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Galatia 1:14 ပူးပေါင်းရင်းမြစ်များ

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 26:5

Nasaemo nisanira yaku. Ane rapodotara, ira mboto mamala majadi sabi katuvuku hitu. Nompamula lako ri pantepuuna, nioseakaku pepatuduki ntoFarisi, anu mpuu-mpuu natutu nangoseaka pura-pura atura agama kami ntoYahudi.

Suro-Suro 26:9

Ivesia muni yaku bara ipia. Nisarumakaku kana kupasimbuku mangeva tona nomparasaya i Yesus toNazaret.

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.