Filipi 4:18 - Kaili Ledo

¹⁸ Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Filipi 4:18 ပူးပေါင်းရင်းမြစ်များ

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Roma 12:1

Sampesuvu-sampesuvu, Alatala mpuu-mpuu nabelo nte kita! Sabana haitu, kuperapi ante mpuu-mpuu, dekeimo karomiu ka Alatala mpo pesomba natuvu, anu nipatani ka Alatala, anu mompakadamba raraNa. Haitumo ada pesombamiu nakana.

2 Korintus 11:8

Tempo yaku nakava nombatulungi komiu yaku nitanggu ntodea topomparasaya lako ri ngata ntanina. Namala rauli yaku nompakarugi ira ala mamala mantulungi komiu.

2 Korintus 9:12

Jadi petulungi nidekeimiu haitu ledo aga mombatulungi todea topomparasaya anu napepa, tapi manggeni madea tona manguli tarima kasi ka Alatala.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Filipi 4:12

Nisanikumo natuvu napepa bo nisaniku munimo natuvu nelabi. Nau bara nuapa najadi nte yaku, nisaniku nompakaosa raraku, nau tempo nabosu, nau tempo naara, nau yaku nelabi, nau yaku napepa.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.