Filipi 2:30 - Kaili Ledo

³⁰ apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

Filipi 2:30 ပူးပေါင်းရင်းမြစ်များ

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Roma 16:4

Ira sakidepa namate nantulungi yaku. Yaku nosukuru nte ira, bo ledo aga yaku, tapi pura-pura todea topomparasaya anu ledo toYahudi.

1 Korintus 15:53

Apa karota anu mamate bo mapopo kana rabaliki majadi karo anu domo mamate domo mapopo. Bo tempo karota mpuu-mpuu nibaliki, madupamo tesa nitulisi riara Buku Gasa ivei: “Alatala nompakaupu kamatea, manusia domo mamate!” Yesaya 25:8

1 Korintus 16:10

Ane makava ri situ i Timotius, tarimamiu mabelo ia ala matinda rarana monturo nte komiu, apa ia muni nantui pokarajaa i Pue Yesus nasimbayu mpo yaku.

1 Korintus 16:17

Nadamba mpuu raraku tempo i Stefanus, i Fortunatus bo i Akhaikus tumai nte yaku ri sii, sabana ira nanjambei komiu nantulungi yaku ri sii.

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 4:12

Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:27

Nakana mpuu ia nadua, sakidepa namate. Tapi nabelomo ia sabana Alatala naasi mataNa nanggita ia. Ledo aga ia nipoasi mata nu Alatala, yaku muni, apa ane i Epafroditus mamate mpuu, mantambai kasusa raraku.

Filipi 4:10

Nadamba mpuu raraku nosangu rara nte i Pue Yesus sabana nau nasaemo kita nosinggavaoni, sii-sii nitulungimiu vaimo yaku. Ledo niuliku komiu ledo nantora yaku bara ipia. Nisaniku dopa ria logamiu mompakatu pedekeimiu ka yaku.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Filemon 1:13

Ane kuoseaka dotaku mboto, kutaamaka ia ri sii nte yaku ala ia manjambei karomu mantulungi yaku anu da nitarunggu ri sii sabana nompatolele Kareba Belo.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.