Filipi 1:20 - Kaili Ledo

²⁰ Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

Filipi 1:20 ပူးပေါင်းရင်းမြစ်များ

Yohanes 21:19

Ante jalili haitu i Yesus nompopaisani dala nggamate i Petrus bara maipiapa, anu mompopakita kaoge nu Alatala. Naupu haitu nangulimo i Yesus ka i Petrus, “Nee menonto mangoseaka Yaku!”

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Roma 12:1

Sampesuvu-sampesuvu, Alatala mpuu-mpuu nabelo nte kita! Sabana haitu, kuperapi ante mpuu-mpuu, dekeimo karomiu ka Alatala mpo pesomba natuvu, anu nipatani ka Alatala, anu mompakadamba raraNa. Haitumo ada pesombamiu nakana.

Roma 5:5

Ane kita manjarumaka Alatala, ledo masoa bukuta. Nisanita Ia mpuu-mpuu mompakadupa pura-pura pojanjiNa, sabana nirasaita tove nu Alatala riara ntaita lako ri pokarajaa nu Nosa Gasa anu nidekei nu Alatala ka kita.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

Roma 6:19

Yaku nompake porapa batua ala ledo makaja rapahamiu pepatudukiku, apa kita manusia da nakura pompahata. Bara ipia komiu nipobatua nu dosa sabana komiu nompalamba karomiu nangoseaka dota raramiu nadaa sampe pokainggumiu nantambai kadaana. Jadi hitupa, dekeimo katuvumiu ka Alatala ala komiu majadi batuaNa anu nanoa bo mpuu-mpuu majadi todeaNa.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

Roma 9:33

Haitu niboto riara Buku Gasa ivei: <> Yesaya 28:16

1 Korintus 15:31

Sampesuvu-sampesuvu, eo-eo nisarumakaku yaku rapatesi sabana pokarajaaku nompatolele Kareba Belo. Nisani nu Alatala nadamba mpuu raraku sabana komiu nosangu rara nte Tuputa i Yesus Kristus. Ivesia muni nisaniNa tesaku hitu nakana mpuu, yaku ledo nodava!

1 Korintus 6:20

Komiu nitolosi nu Alatala bo nibayariNa pakaupumo. Haitumo sabana komiu masipato matuvu ante pokainggu nabelo ala Alatala rabila.

1 Korintus 7:34

sampe pekirina matebagi-bagi. Mombine-mombine domo noberei bo randaa-randaa namala mompakasangu pekirira ka i Pue. Nipekirikara berimba katuvura bo pekiri rara ntaira mamala magasa ri panggita nu Alatala. Tapi mombine-mombine nobereimo kana mompekirika mpengaya-ngaya ri dunia hitu. Kana rapekirikara berimba mompakadamba rara bereina langgai.

2 Korintus 10:8

Nau yaku madamba gaga mombatesa kuasa nidekei i Kristus ka kami, ledo maeya mataku. Sabana kuasa haitu nidekei i Pue ka kami, ledo mompakagero pomparasayamiu, tapi mompakaroso pomparasayamiu.

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.

2 Korintus 4:10

Kami nasaro nombarasai kasusa bo kapari nasimbayu mpo anu nirasai i Yesus tempo Ia nipatesi. Haitu najadi ala malanto i Yesus natuvu mpanjili, apa kuasaNa nikita riara nggatuvu kami.

2 Korintus 5:15

Bo i Kristus mpuu-mpuu namate nanjambei kita pura-pura. Patuju nu kamateNa haitu ala kita anu da natuvu ri dunia hitu domo matuvu mangoseaka dotata mboto, tapi dota i Kristus anu namate bo natuvu mpanjili ala manggeni belo ka kita.

2 Korintus 7:14

Dopame ia tou mompelioda komiu, nitoiyaku mamimo komiu nte ia. Bo pokainggumiu nikita i Titus ledo nompakaeya yaku. Pura-pura tesa kami ka komiu nakana, ivesia muni pura-pura potoiyaku komiu nitesaku ka i Titus nakana muni.

2 Korintus 7:4

Ledo nakaja raraku notesa pakalanto ka komiu. Nadamba mpuumo raraku nantora komiu. Nau nadeamo susa bo pari nambela kami, hitupa narosomo raraku bo nelabi kadamba raraku nantora komiu.

Filipi 1:14

Bo deanapa sampesuvu sampomparasaya ri sii nantambai karoso pomparasayara i Pue Yesus, sabana nikitara Tupu nantulungi yaku ri tarunggu sampe domo naeka ira, tapi nantambaimo kabiara nompatolele Tesa nu Alatala.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Kolose 1:24

Sampesuvu-sampesuvu, sii-sii nadamba raraku nombarasai susa bo pari nikavaku sabana yaku nokarajaa nantulungi komiu. Apa yaku nombadupai ri karoku susa bo pari nipakatantu i Kristus kana kurasai. Bo susa bo pari nirasaiku nanggeni belo ka todea topomparasaya. Pura-pura kita topomparasaya nirapaka karo i Kristus.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

1 Petrus 4:16

Tapi ane komiu mombarasai kasusa sabana komiu topomparasaya, nee maeya matamiu. Ulimo tarima kasi ka Alatala, apa komiu mpuu-mpuu topangoseaka i Kristus.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.