Efesus 6:9 - Kaili Ledo

⁹ Bo komiu anu najadi tua atau madika, komiu muni kana mokainggu mabelo nte batuamiu. Nee momparangga ira, sabana nisanimiu mboto Tupumiu bo Tupura aga saito. Iamo naria ri suruga bo Ia ledo nompelenje.

Efesus 6:9 ပူးပေါင်းရင်းမြစ်များ

Matius 22:10

Jadi haumo batua-batuana mompasiromu pura-pura tona raposinggavakara ri dala-dala jama, tona nabelo, bo tona nadaa sampe naponu pura banua posusa haitu ante torata.

Matius 22:8

Naliutaka haitu nipokiona vai batua-batuana bo nanguli ka ira, ‘Nasadiamo posusa poboti, tapi tona nigagaku ledo masipato makava.

Matius 24:48

Tapi mandasa mpuu ane batua haitu madaa pokaingguna bo nipekirina riara ntaina ivei: ‘Wee! Da masaepa pade manjili madikaku.’

Matius 24:51

Bo batua haitu rapatesi. Ia ratedeaka riara narakaa, ponturo ntona aga nabelo ri sumba. Hamai ira motumangi-mangi bo masinggiki baga ante masusa mpuu rara.”

Matius 7:12

“Jadi nuapa-nuapa rapodotamiu rapovia ntona ka komiu, ivesia muni rapoviamiu ka tona. Sabana parenta haitumo isi nu Atura agama bo pepatuduki nu nabi-nabi nggaulu.

Lukas 6:31

Nuapa-nuapa rapodotamiu rapovia ntona ka komiu, ivesia muni rapoviamiu ka tona.

Yohanes 13:13

Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Suro-Suro 10:34

Naupu haitu i Petrus nanguli ka ira, “Sampesuvu-sampesuvu, hitupa nisanikumo Alatala ledo nompelenje nanggita manusia.

Roma 2:11

sabana Alatala ledo nompelenje.

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Kolose 3:25

Tapi isema-sema movia anu nadaa rabalasi ante pehuku masipato ka daa nipoviana, sabana Tupu ledo nompelenje.

Kolose 4:1

Sampesuvu-sampesuvu anu najadi tua. Komiu kana mokainggu masipato bo manoa nte batua-batuamiu. Toramo, komiu muni naria Tupumiu ri suruga!

Yakobus 2:13

Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”

Yakobus 5:4

Topokarajaa ri taluamiu ledo nitambomiu. Peintamo kandasara! Topokarajaa haitu nekakai nerapi tulungi bo pekakaira niepe nTupu Alatala anu nakuasa.