Efesus 6:23 - Kaili Ledo

²³ Kuperapi Tuamata Alatala bo i Pue Yesus Kristus mompakatinonto raramiu, bo mompakaroso pepotove bo pomparasayamiu pura-pura.

Efesus 6:23 ပူးပေါင်းရင်းမြစ်များ

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 15:33

Kuperapi Alatala, anu nombadekei katuvua nabelo, mombatulungi komiu pura-pura. Amin.

1 Korintus 1:3

Kuperapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:16

Kuperapi Alatala mombadekei belo bo katinonto ka tona natuvu nangoseaka pepatuduki hitu, bo muni ka pura-pura todea nu Alatala, nau toYahudi, nau tona ledo toYahudi.

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

2 Tesalonika 3:16

Kuperapi i Pue Yesus bate-batena mompakatinonto raramiu riara mpengaya-ngaya, sabana Iamo puna katinonto. Kuperapi Ia momporoa komiu pura-pura.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

1 Timotius 1:3

Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.

1 Timotius 5:8

Tapi ane maria tona ledo nantulungi sampesuvu-sampesuvuna, nemopa ira sambanua, tona haitu nompoara pepatuduki nakana. Nadaapa ia pade tona ledo nomparasaya.

1 Petrus 5:14

Posipakabotemo tabe ante tove, mpo tona nosampesuvu sampomparasaya. Kuperapi Alatala mombadekei katinonto ka komiu pura-pura anu nosangu rara ante i Kristus. Tabe lako nte yaku, Petrus

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.

Pompakita 1:4

Sampesuvu-sampesuvu sampomparasaya anu nonturo ri pitu ngata ri propinsi Asia. Yaku i Yohanes, merapi komiu mantarima katinonto bo belo lako nte Alatala anu nariamo lako ri lamba pamulana, bo naria sii-sii, bo maria sampe ri kasae-saena. Bo kuperapi ratarimamiu belo bo katinonto lako nte papitu Nosa nu Alatala anu naria ri ngayo Gadera Kamagaua nu Alatala,