Efesus 6:21 - Kaili Ledo

²¹ Dotaku ala rasanimiu berimba katuvuku ri sii. Jadi haitu sampe nituduku i Tikhikus tou nte komiu. Ia sampesuvuta nipotoveku anu natutu nantulungi pokarajaa nTupu.

Efesus 6:21 ပူးပေါင်းရင်းမြစ်များ

Suro-Suro 20:4

Naria bara sako-ndua tona nomporoa i Paulus, haitumo, i Sopater ana i Pirus lako ri ngata Berea, i Aristarkhus bo i Sekundus toTesalonika, bo i Gayus lako ri ngata Derbe. Naria muni i Timotius, i Tikhikus bo i Trofimus, lako ri propinsi Asia pura.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

Filipi 1:12

Sampesuvu-sampesuvu, kana rasanimiu, nau yaku nitarunggu ri sii, potarunggu yaku aga nompakantambai kadea ntona nangepe bo nomparasaya Kareba Belo.

Kolose 1:7

Kabelo nu Alatala niepemiu lako nte i Epafras, roa kami sampokarajaa nipotove kami. Ia batua i Kristus anu natutu nokarajaa nantulungi komiu.

1 Timotius 4:6

Ane mupatuduki pura-pura haitu pangane ka sampesuvuta sampomparasaya, iko majadi topokarajaa nabelo ka i Yesus Kristus. Bo iko mompakaroso raramu mboto ante Tesa nu Alatala anu niparasayata, bo ante pepatuduki nakana anu nioseakamu sampe sii-sii.

2 Timotius 4:12

Bo nituduku i Tikhikus hau ri ngata Efesus.

Titus 3:12

Ane makava i Artemas bara i Tikhikus anu kutudu tou nte iko ri situ ri Kreta ngena, pasimbukumo mosinggava nte yaku ri ngata Nikopolis, apa niaku monturo ri ngata Nikopolis sampe maupu tempo ranindi.

Filemon 1:16

Jadi sii-sii ia domo aga batuamu, tapi nelabipa pade batua, haitumo, ia sampesuvuta sampomparasaya anu nipotoveta. Iyapa yaku nompotove ia, nemopa iko! Iko nompotove ia sabana ia batuamu, bo muni sabana ia sampesuvumu sampomparasaya.

1 Petrus 5:12

Yaku notulisi sura nambuku hitu ante petulungi i Silas, sampesuvuta sampomparasaya. Nisaniku ia namala raparasaya. Patujuku notulisi sura hitu ala mompakaroso raramiu bo mompakalanto ka komiu Alatala mpuu-mpuu nompotove bo nombatulungi kita evamo nitesaku pangane. Jadi komiu kana batena manjarumaka pepotoveNa haitu.

2 Petrus 3:15

Toramo, posabara nTupu nombadekei loga ka manusia rapakasalama. Ivesia muni nitulisi nu sampesuvuta i Paulus nipotoveta. Surana haitu nitulisina nangoseaka noto nidekei nu Alatala ka ia.