Efesus 6:20 - Kaili Ledo

²⁰ Yaku niposumba i Yesus Kristus mompatolele Kareba Belo. Bo sii-sii yaku nitarunggu sabana nompatolele Kareba haitu. Jadi, posambayakamo yaku ala mabia yaku mompatolele Kareba Belo, sabana haitumo pokarajaa nidekei nu Alatala ka yaku.

Efesus 6:20 ပူးပေါင်းရင်းမြစ်များ

Suro-Suro 21:33

Jadi tadulako haitu nombasaka i Paulus, bo nituduna tona nombarante ia ante rompenga rante. Naupu sia nipekutanana ka todea, “Isema tona hitu? Nuapa nipoviana?”

Suro-Suro 26:29

Nesanamo i Paulus, “Bara masae bara ledo, kuperapi nte Alatala ala komiu bo gubernur, bo pura-pura tona nangepe tesaku eo hitu, majadi toKristen nasimbayu mpo yaku. Aga ledo nirante mpo yaku.”

Suro-Suro 28:20

Jadi haitu sampe yaku nerapi mosintomu ante komiu. Yaku madota mombatesa ka komiu parakaraku hitu. Kakanana yaku hii nibalanggu sabana yaku nomparasaya Magau Topepakasalama anu nitongorakata ntoIsrael pura-pura.”

Suro-Suro 28:31

Ledo nakaja rarana nompopaisani ka ira kareba Poparenta nu Alatala bo nipatudukina muni ka ira kareba i Pue Yesus Kristus. Pura-pura anu nipoviana haitu ledo naria nitagi ntona.

Suro-Suro 5:29

Nesana i Petrus bo suro-suro ntanina, “Kami kana mangoseaka parenta nu Alatala, bo ledo parenta nu manusia.

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Kolose 4:3

Posambayaka muni kami ala Alatala mombadekei loga nabelo ka kami mompatolele karebaNa anu notesaki niaNa anu nipakadupa i Kristus. NiaNa haitu da nitabuniaka bara ipia, tapi sii-sii nipatolelekumo kareba i Kristus haitu. Bo sii-sii yaku nitarunggu sabana pokarajaaku nompatolele kareba haitu.

Kolose 4:4

Jadi posambayamo ala mamala kupopaisani kareba i Kristus sampe rapaha ntona, sabana bago haitu kana kupovia.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

2 Timotius 2:9

Yaku hii nipandasa sabana nompatolele Kareba Belo haitu. Yaku nipou rante nasimbayu mpo tona nadaa. Tapi Tesa nu Alatala ledo namala rarante, kana matolele ri umba-umba.

Filemon 1:10

Yaku, i Paulus, merapi ala mutarima mabelo i Onesimus, anu nipotoveku mpo anaku mboto. Ia nirekeku mpuu-mpuu anaku, sabana tempo yaku riara ntarunggu ri sii, yakumo nompatuduki ia nomparasaya i Yesus, nasimbayu mpo totua langgai nompatuduki anana.

Filemon 1:9

Tapi nantora pepotovemu, aga kuperapi nte iko bo ledo kuparenta. Yaku hii natuamo bo nitarunggu sii-sii sabana nompatolele kareba i Yesus Kristus.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.