Efesus 6:17 - Kaili Ledo

¹⁷ Komiu kana maroo manjarumaka Alatala mompakasalama komiu. Haitumo songgo bajamiu anu mombalenduti balenggamiu. Bo komiu kana mompake Tesa nu Alatala. Haitumo guma nidekei Nosa GasaNa ka komiu.

Efesus 6:17 ပူးပေါင်းရင်းမြစ်များ

Matius 4:4

Tapi nesana i Yesus, “Naria nitulisi riara Buku Gasa ivei: ‘Ledo aga kandea mompakatuvu manusia. Tapi pangoseakara pura-pura tesa nisovadaka nu Alatala, haitumo nompakatuvu manusia.’”

Matius 4:7

Nesana i Yesus, “Naria muni nitulisi riara Buku Gasa ivei: ‘Nee mupesori Alatala, Tupumu!’”

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

Ibrani 4:12

Tesa nu Alatala tesa natuvu bo nakuasa. Tesa haitu natadapa pade guma nomata ntimali apa Tesa haitu namala mantosu sampe ri pantaa nyawa bo rara ntai manusia, nasimbayu mpo guma nantosu sampe ri posidumpa nu buku bo unto nu buku. Tesa haitu namala nombabuka bo nomparesa pekiri bo patuju rara ntai manusia.

Ibrani 6:5

Nirasairamo Tesa nu Alatala nabelo bo nirasairamo kuasa lako ri dunia baru nu Alatala.

Pompakita 1:16

Ri pale ngganaNa naria pitu-angu betue, bo lako ri ngangaNa nesuvu samata guma nomata ntimali bo natada mpuu. Bo lenjeNa mpo vanta nu eo natongo.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

Pompakita 19:15

Bo lako ri ngangaNa nesuvu samata guma natada. Ante guma haitu Ia mombadagi tona pura-pura riara dunia anu nangeva Ia, bo Ia momparenta ira ante ase poboba. Ia mombajeje-jeje pakaoya vua anggur ri pompea anggur nu Alatala anu Neliu KakuasaNa. Batuana, Ia mompopakita rau rara nu Alatala ka tona nadaa.

Pompakita 2:16

Jadi Kuuli ka komiu, kajeamo lako ri dosamiu! Ane ledo majea komiu, Yaku masalisa makava nte komiu bo mangeva ira ante guma anu naria ri ngangaKu.